Մետրոպոլիտենի քրեական հետախույզները հայտնաբերել են մետամֆետամին

Փետրվարի 25-ի երեկոյան ժամը ութին ոստիկանության մետրոպոլիտենի պահպանության բաժնի քրեական հետախույզներն իրացրին ստացված օպերատիվ տվյալը: Մետրոյի կայարաններից մեկի նախասրահից, թմրանյութ պահելու և օգտագործելու կասկածանքով, նրանք բերման ենթարկեցին մայրաքաղաքի բնակիչ, 28-ամյա մի երիտասարդի: Իրավապահների կասկածները հիմնավոր էին: Նրա անձնական խուզարկությամբ հայտնաբերվեց պոլիէթիլենային փոքրիկ տոպրակ` մետամֆետամինի նմանվող բյուրեղանման զանգվածով և մեկ կաթուցիչ`մոխրացած հետքերով:
Ըստ բերման ենթարկվածի` թմրանյութն իրենն էր, իր օգտագործման համար:
Նշանակվել է դատաքիմիական փորձաքննություն, հանգամանքները պարզվում են: