Մեքենայից կատարված գողությունը բացահայտվեց

Դեկտեմբերի 24-ին, ժամը 04.30-ին, ոստիկանության օպերատիվ կառավարման կենտրոն զանգած օտարերկրյա քաղաքացին հայտնել էր, որ գողացել են Գուլակյան փողոցում կայանված իր «Միցուբիշիի» համարանիշերը:
Ոստիկանության Արաբկիրի բաժնի քրեական հետախույզները և համայնքային ոստիկանները ձեռնարկած միջոցառումների արդյունքում պարզել են գողությունը կատարողի ինքնությունը: 42-ամյա տղամարդը Գուլակյան փողոցում հայտնաբերվել, ձերբակալվել և տարվել է Արաբկիրի բաժին: Խուզարկությամբ նրա մոտ գողոնը հայտնաբերվել է:
Կատարվում է նախաքննություն: