Ոստիկանները բացահայտել են մեքենայից կատարված գողություններ

Օգոստոսի 24-ին, ժամը 15.05-ին, Քանաքեռ-Զեյթունի քրեական հետախույզները, օպերատիվ տվյալներն իրացնելով, գողություն կատարելու կասկածանքով, Ուլնեցու փողոցից բերման են ենթարկել 45-ամյա մի տղամարդու: Նա խոստովանական բացատրություն է տվել, որ օգոստոսի սկզբին գողացել է Պ. Սևակի փողոցի նորակառույց շենքի բակում կայանված «Օպելի» մարտկոցը: Նաև հայտնել է, որ օգոստոսի ընթացքում Քանաքեռ-Զեյթուն վարչական շրջանի տարածքից կատարել է մի շարք այլ գողություններ ևս:
Մասնավորապես պարզվել է, որ նա գողացել է Դրոյի փողոցի 9 շենքի մոտ կայանված «ԲՄՎ-ի» դիմապակու ապակեմաքրիչները, Ա. Տիգրանյան և Յան Ռայնիսի փողոցներում կայանված «ԲՄՎ-ների» անձրևապաշտպան վահանակները:
Ձեռնարկվում են միջոցառումներ գողոնը հայտնաբերելու ուղղությամբ:
Նախապատրաստվում են նյութեր: