Մեքենան ընկել է կամրջից. վարորդը մահացել է

Նոյեմբերի 1-ին, ժամը 13.48-ին, ոստիկանության Երևան քաղաքի վարչության օպերատիվ կառավարման կենտրոնից հաղորդում է ստացվել, որ իրենց է զանգել անհայտ քաղաքացի և հայտնել, որ Արարատ քաղաքի Զոդի կամրջի վրա վթար է եղել, ավտոմեքենա է կողաշրջվել:
Պարզվել է, որ նույն օրը, ժամը 13.35-ի սահմաններում, Երևան-Մեղրի ճանապարհի 52-րդ կմ-ին Զոդի կամրջից «Մերսեդես» մակնիշի ավտոմեքենան ընկել է. 26-ամյա վարորդ Սուրեն Սահակյանը հիվանդանոց տեղափոխելու ճանապարհին մահացել է, իսկ 26-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն։