Մթերային խանութից կատարված գողությունը բացահայտվեց

Մայիսի 27-ին ոստիկանության Արարատի բաժնում հաղորդում էր ստացվել անհայտ անձի կողմից Վեդի քաղաքի Ա. Խաչատրյան փողոցի թիվ 25 հասցեում գործող մթերային խանութից գողություն կատարելու մասին:
Նույն օրը, ժամը 21.30-ին, ոստիկանության ծառայողները, Վեդի քաղաքի Շահումյան փողոցի թիվ 34 տան մոտից, գողությունը կատարելու կասկածանքով, բերման են ենթարկել 1978 թ. ծնված Արթուր Բ.-ին:
Քննության ընթացքում հիմնավորվել է, որ խանութից գողությունը կատարել է նա: