Միջոցառում ՀՀ պաշտպանության նախարարությունում
![Միջոցառում ՀՀ պաշտպանության նախարարությունում Միջոցառում ՀՀ պաշտպանության նախարարությունում](/timthumb?src=/resources/police/img/news/big/1421500344,2846.jpeg&q=75&w=780&wm=1)
Հունվարի 17-ին ՀՀ ոստիկանության պետ Վլադիմիր Գասպարյանը մասնակցեց ՀՀ պաշտպանության նախարարության վարչական համալիրում անցկացված ընդլայնված նիստին, որը նվիրված էր երիտասարդության հայրենասիրական դաստիարակության բնագավառում 2014 թվականին իրականացված միջոցառումների ամփոփմանը:
Նիստին մասնակցում էին մի շարք գերատեսչությունների ղեկավարներ, հասարակական կազմակերպությունների, Մայր աթոռի ներկայացուցիչներ:
ՀՀ պաշտպանության նախարար Սեյրան Օհանյանի նախագահությամբ անցկացված խորհրդակցության ընթացքում մասնակիցները ներկայացրին երիտասարդության հայրենասիրական դաստիարակության բնագավառում իրենց կառույցների կողմից իրականացված աշխատանքները, խոսեցին ծրագրերի ու խնդիրների մասին:
Ոստիկանության կողմից տարվա ընթացքում անչափահասների ու երիտասարդների հետ կատարված աշխատանքը, նախաձեռնություններն ու հետագա անելիքները ներկայացրեց ոստիկանության քրեական հետախուզության գլխավոր վարչության անչափահասների իրավունքների պաշտպանության և ընտանեկան բռնության դեմ պայքարի վարչության պետ Նելլի Դուրյանը:
Երիտասարդության հետ տարվող աշխատանքում, նրանց հայրենասիրական դաստիարակության գործում աչքի ընկած կառույցների ներկայացուցիչներն արժանացան պարգևների:
Խորհրդակցությունից հետո Վլադիմիր Գասպարյանը պատասխանեց լրագրողների հարցերին: