ՀՀ ոստիկանության ներքին անվտանգության վարչության կողմից 2020 թվականի ընթացքում իրականացված աշխատանքների ամփոփ վիճակագրություն

2020 թվականի ընթացքում ՀՀ ոստիկանության ներքին անվտանգության վարչությունում կատարվել են 819 ծառայողական քննություններ և ուսումնասիրություններ:
Կատարված ծառայողական քննությունների արդյունքներով ոստիկանության ծառայողների նկատմամբ կիրառվել են 290 կարգապահական տույժեր, այդ թվում՝
- հայտարարվել է «Նկատողություն»` 159,
- հայտարարվել է «Խիստ նկատողություն»` 74,
- պաշտոնն իջեցվել է մեկ աստիճանով՝ 7,
- կոչումն իջեցվել է մեկ աստիճանով՝ 5,
- ազատվել են ոստիկանությունում ծառայությունից` 45:
Կարգապահական տույժ է կիրառվել նաև քաղաքացիական հատուկ ծառայության 25 ծառայողի նկատմամբ (13-ին հայտարարվել է «Նկատողություն», 8-ին՝ «Խիստ նկատողություն», 4-ն ազատվել են զբաղեցրած պաշտոնից), ինչպես նաև 1 քաղաքացիական աշխատանք կատարող ու 1 տեխնիկական սպասարկում իրականացնող անձանց նկատմամբ (հայտարարվել է «Նկատողություն»): «Խիստ նկատողություն» կարգապահական տույժի ենթարկված քաղաքացիական հատուկ ծառայության 1 ծառայող ազատվել է զբաղեցրած պաշտոնից՝ «Ոստիկանությունում ծառայության մասին» ՀՀ օրենքի 60․27-րդ հոդվածի 1-ին մասի 3-րդ կետի հիմքով։

ՀՀ ոստիկանության ծառայողների կողմից թույլ տրված օրինախախտումների փաստերով ներքին անվտանգության վարչության կողմից նախապատրաստվել և նախաքննական մարմինների քննարկմանն է ուղարկվել ծառայողական քննությունների 32 նյութ: Դրանցից
- 8-ով քրեական գործ հարուցելը մերժվել է (1-ը՝ ոչ արդարացնող, 7-ը՝ արդարացնող հիմքերով),
- 24-ով հարուցվել են քրեական գործեր, որոնցից
- 10-ը նախաքննության փուլում են,
- 1-ը միացվել է նախկինում հարուցված քրեական գործին,
- 10-ը կարճվել են արդարացնող հիմքերով,
- 3-ն ուղարկվել են դատարան և դատաքննության փուլում են։

2020 թվականի ընթացքում ՀՀ ոստիկանությունում հրավիրվել է կարգապահական հանձնաժողովի 8 նիստ, որի ընթացքում քննարկվել է ոստիկանության 47 ծառայողի վերաբերյալ իրականացված ծառայողական քննությունների 36 նյութ:
Կարգապահական հանձնաժողովի որոշմամբ ՀՀ ոստիկանության պետի հրամաններով ոստիկանության 42 ծառայողի նկատմամբ կիրառվել են կարգապահական տույժեր, մասնավորապես՝ 1 ծառայողի հայտարարվել է «Նկատողություն», 14 ծառայողի հայտարարվել է «Խիստ նկատողություն», իսկ 27 ծառայող ազատվել են ՀՀ ոստիկանությունում ծառայությունից:
Միաժամանակ որոշվել է ոստիկանության 5 ծառայողի ազատել կարգապահական պատասխանատվությունից։

ՀՀ ՈՍՏԻԿԱՆՈՒԹՅԱՆ ՆԵՐՔԻՆ ԱՆՎՏԱՆԳՈՒԹՅԱՆ ՎԱՐՉՈՒԹՅՈՒՆ