Ոստիկանների բացատրական աշխատանքի շնորհիվ հետախուզվողը ներկայացավ

«Կանեփ-Կակաչ-2019» օպերատիվ-կանխարգելիչ միջոցառման շրջանակներում ոստիկանության ԿՀԴՊ գլխավոր, Շիրակի մարզային վարչությունների և Կումայրիի բաժնի քրեական հետախույզների անցկացրած բացատրական աշխատանքների շնորհիվ օգոստոսի 7-ին, ժամը 15.10-ին, Շիրակի մարզային քննչական վարչություն է ներկայացել 25-ամյա Հովհաննես Կ.-ն, որը մարտի 16-ից հետախուզվում էր ՀՀ քրեական օրենսգրքի 112 հոդվածի (դիտավորությամբ առողջությանը ծանր վնաս պատճառելը) 1-ին մասի և 258 հոդվածի (խուլիգանությունը) 4-րդ մասի մեղադրանքով: