Կայացավ թմրամիջոցների անօրինական շրջանառության դեմ պայքարի թեմայով աշխատանքային խմբի նիստը (ՏԵՍԱՆՅՈՒԹ)

ՀԱՊԿ անդամ պետությունների թմրամիջոցների անօրինական շրջանառության դեմ պայքարի իրավասու մարմինների ղեկավարների Համակարգող խորհրդի հիմնական միջոցառումների պլանի համաձայն օգոստոսի 22-ին Երևանում տեղի ունեցավ աշխատանքային խմբի նիստ:
Հանդիպմանը ասնակցում էին ՀՀ ոստիկանության պետի առաջին տեղակալ Արման Սարգսյանը, շտաբի պետ Արմեն Ղուկասյանը, ոստիկանության բարձրաստիճան պաշտոնյաներ և ՀԱՊԿ անդամ պետությունների թմրամիջոցների անօրինական շրջանառության դեմ պայքարի իրավասու մարմինների ղեկավարներ:
Ողջունելով նիստի մասնակիցներին՝ Արման Սարգսյանը կարևորեց համակարգող խորհրդի դերը թմրամիջոցների ապօրինի շրջանառության հակազդման ոլորոտում, իրականացվող ռազմավարությունը և նոր մեխանիզմների մշակումն ու կիրառումը:
Նիստի ընթացքում քննարկվեցին օրակարգող հաստատված բոլոր հարցերը:
Հաստատվեց այս տարվա սեպտեմբերի 23-ից 27-ը Հայաստանում կայանալիք «Կանալ- կովկասյան հողապատնեշ» տարածաշրջանային հակաթմրանյութային օպերացիայի անցկացման պլանը:
Նիստի ավարտին ՀԱՊԿ անդամ պետությունների թմրամիջոցների անօրինական շրջանառության դեմ պայքարի իրավասու մարմինների ղեկավարների կողմից կազմվեց արձանագրություն: