Նոյեմբերի 8-ից գործարկվելու են երթևեկության արագության նկատմամբ վերահսկողության արագաչափ նոր սարքեր
![Նոյեմբերի 8-ից գործարկվելու են երթևեկության արագության նկատմամբ վերահսկողության արագաչափ նոր սարքեր Նոյեմբերի 8-ից գործարկվելու են երթևեկության արագության նկատմամբ վերահսկողության արագաչափ նոր սարքեր](/timthumb?src=/resources/police/img/news/big/1383135300,4433.jpeg&q=75&w=780&wm=1)
Ճանապարհային ոստիկանությունը տեղեկացնում է, որ շարունակվում են Երևան քաղաքում և միջպետական նշանակության ավտոճանապարհներին երթևեկության նկատմամբ վերահսկողության և իրավախախտումների արձանագրման արագաչափ սարքերի տեղադրման աշխատանքները: Մասնավորապես, 2013 թվականի նոյեմբերի 8-ից գործարկվելու են հետևյալ վայրերում նոր տեղադրված երթևեկության արագության նկատմամբ վերահսկողության արագաչափ սարքերը՝
1. Մ-3 «Մարգարա-Վանաձոր-Տաշիր-Վրաստանի սահման» միջպետական նշանակության ավտոճանապարհի 66.1 կմ (Արագածոտնի մարզ, Ռյա թազա գյուղի վարչական տարածք)` 1 արագաչափ՝ երկու ուղղություններով, որտեղ երթևեկության համար թույլատրելի առավելագույն արագությունը 60 կմ/ժ է,
2. Հ-21 «Հ-17 - Հոռոմ - Արթիկ - Ալագյազ» հանրապետական նշանակության ավտոճանապարհի 20.6 կմ (Արագածոտնի մարզ, Նորաշեն գյուղի վարչական տարածք)՝ 1 արագաչափ՝ երկու ուղղություններով, որտեղ երթևեկության համար թույլատրելի առավելագույն արագությունը 60 կմ/ժ է:
Ճանապարհային ոստիկանությունը հորդորում է վարորդներին պահպանել ճանապարհային երթևեկության կանոնները:
Ճանապարհային ոստիկանություն