Նոր Նորքի ոստիկանները գողության դեպք են բացահայտել (ՏԵՍԱՆՅՈՒԹ)

Սեպտեմբերի 15-ի գիշերը ոստիկանության Նոր Նորքի բաժնում գողության վերաբերյալ հաղորդում ստացվեց։ Հաղորդման համաձայն՝ Միկոյան փողոցի բնակարաններից մեկից հափշտակվել էր դրամապանակ և օծանելիք։ Նոր Նորքի քրեական հետախույզները համապատասխան միջոցառումների արդյունքում տեղեկություններ ստացան, որ գողությունը հնարավոր է կատարած լինի Արարատի մարզում ապրող 36-ամյա մի կին։ Վերջինիս հետ տարված բացատրական աշխատանքի արդյունքում սեպտեմբերի 16-ին կասկածվողը ներկայացավ ոստիկանության Նոր Նորքի բաժին ու տվեց խոստովանական բացատրություն՝ ներկայացնելով գողոնը։
Դեպքի առթիվ նյութեր են նախապատրաստվում։