Քրեական հետախույզները Նորապատ գյուղում թմրանյութ են հայտնաբերել

Հունիսի 30-ին ոստիկանության Արմավիրի մարզային վարչության քրեական հետախույզները տեղեկություններ էին ստացել, որ Նորապատ գյուղի 52-ամյա մի բնակիչ կանեփ է աճեցնում: Նորապատ մեկնած օպերատիվ խումբը տանը կից կիսակառույց շինության զննությամբ հայտնաբերեց կանեփի 5 բույս, իսկ տան նկուղից՝ ընդհանուր 200 գրամից ավելի քաշով մարիխուանայի նմանվող զանգվածով ապակյա երկու տարա: Բացի այդ, նկուղում կար նմանատիպ զանգվածով պոլիէթիլենային տոպրակ և ածխանման հետքերով կաթուցիչ: Ըստ տանտիրոջ՝ կանեփն ու դրանից պատրաստված թմրամիջոցը իրենն են, կանեփն ինքն է ցանել ու մշակել:
Նշանակվել են փորձաքննություններ: Հանգամանքները պարզվում են: