Ոստիկաններին տեսնելով՝ նետել է թմրամիջոցը

Ոստիկանության Երևան քաղաքի վարչության ՊՊԾ գնդի 1-ին գումարտակի 1-ին վաշտի 1-ին դասակի ծառայողները ապօրինի թմրամիջոց պահելու կասկածանքով Հրազդանի կիրճից բերման են ենթարկել 1977 թ. ծնված Նարեկ Խ.-ին և 1973 թ. ծնված Սամվել Մ.-ին: Մինչ այդ, ոստիկաններին տեսնելով, Սամվել Մ.-ն նշված վայրում գրպանից հանել և գետին է նետել պոլիէթիլենային տոպրակով փաթեթավորված դեղնականաչավուն զանգված:
Դեպքի վայրի զննությամբ հայտնաբերվել է 40,8 գ դեղնականաչավուն զանգված:
Նշանակվել են տոքսիկոքիմիական և դատաքիմիական փորձաքննություններ:
Կատարվում է հետաքննություն: