Գողության փորձի մեղադրանքով հետախուզվողը հայտնաբերվեց Շամիրամ համայնքում

Ոստիկանության Աշտարակի բաժնի համայնքային ոստիկանները ապրիլի 5-ին Արագածոտնի մարզի Շամիրամ համայնքում հայտնաբերել, ձերբակալել և բաժին են տեղափոխել 60-ամյա Խաչատուր Ս.-ին, որը մարտի 17-ից ոստիկանության Կենտրոնական բաժնի կողմից հետախուզվում էր ՀՀ քրեական օրենսգրքի 44-254-րդ հոդվածի (Գողության փորձը) մեղադրանքով:
Խափանման միջոցը՝ ստորագրություն:
Հայտնաբերման մասին հայտնվել է հետախուզումը նախաձեռնողին: