Բանակցային ոստիկանության մոդելի ուսումնասիրման նպատակով ճանաչողական այց Շվեդիայի Թագավորություն
![Բանակցային ոստիկանության մոդելի ուսումնասիրման նպատակով ճանաչողական այց Շվեդիայի Թագավորություն Բանակցային ոստիկանության մոդելի ուսումնասիրման նպատակով ճանաչողական այց Շվեդիայի Թագավորություն](/timthumb?src=/resources/police/img/news/big/1639640580-8809.jpeg&q=75&w=780&wm=1)
2021 թ. դեկտեմբերի 7-ից 9-ը Շվեդիայի Թագավորության մայրաքաղաք Ստոկհոլմ էին այցելել ՀՀ ոստիկանության շտաբի պետ, ոստիկանության գնդապետ Արմեն Մկրտչյանի գլխավորած պատվիրակությունը և ՀՀ արդարադատության նախարարի առաջին տեղակալ Քրիստինե Գրիգորյանը։
Այցը կազմակերպվել էր ԵԱՀԿ անդրազգային վտանգների վարչության, ոստիկանության ռազմավարական հարցերի բաժնի նախաձեռնությամբ և Շվեդիայի ոստիկանության հյուրընկալությամբ՝ ԵԱՀԿ-ՀՀ համագործակցության` «Հայաստանում ոստիկանություն-հասարակություն համագործակցության ամրապնդում» ծրագրի շրջանակներում Հայաստանում բանակցային ոստիկանության ներդրման նպատակով։
Եռօրյա այցի ընթացքում պատվիրակությունը հանդիպումներ է ունեցել Շվեդիայի կառավարության և ոստիկանության ներկայացուցիչների հետ, որոնք կիսվել են բանակցային ոստիկանության շվեդական մոդելի իրենց գիտելիքներով և փորձով։
Պատվիրակությունը այցելել է նաև Ռոզերբերգի ոստիկանության մարտավարական ուսուցման կենտրոններ։