Գլխավոր էջ
ՆՈՐՈՒԹՅՈՒՆՆԵՐ
Օպերատիվ ամփոփագրեր
Զենք-զինամթերքի հայտնաբերում
Ոստիկանները մեկնեցին ահազանգի հետքերով. նշանակվել է դատաձգաբանական փորձաքննություն

Ոստիկանները մեկնեցին ահազանգի հետքերով. նշանակվել է դատաձգաբանական փորձաքննություն

04.07.2013 18:35 Զենք-զինամթերքի հայտնաբերում

Հուլիսի 3-ին, ժամը 21.00-ին, ոստիկանության Էրեբունու բաժնում անհայտ քաղաքացուց ահազանգ է ստացվել, որ Դավիթ Բեկի փողոցի թիվ 75 հասցեում՝ ավտոտնակների մեջ, զինամթերք է թողնում:

Մեկնած օպերատիվ խումբը նշված վայրում գտնվող կիսակառույց շինության սենյակներից մեկում հայտնաբերել է «ՊԿ» տիպի գնդացիր՝ պահունակով և 7,62 մմ տրամաչափի հրացանի փամփուշտներով, «ՌՊԳ-22» տիպի մեկանգամյա նռնականետ, «ՌՊԳ-7» տիպի նռնականետ, «ՉԶ-527» տիպի ակոսափող կարաբին` դատարկ պահունակով, ինքնաձիգի 5,45 մմ տրամաչափի 6.247, ինքնաձիգի 7,62 մմ տրամաչափի` 5.311 փամփուշտ, «Կարաբին» հրացանի 7,62 մմ տրամաչափի 340 փամփուշտ, 5,45 մմ տրամաչափի ոչ մարտական 16 փամփուշտ, մետաղյա խողովակ, 4 նռնակ` առանց պայթուցիչի, նռնակի 3 պայթուցիչ, 9 մմ տրամաչափի 100 փամփուշտ, գլանաձև 4 դետալ, 2 պոլիէթիլենային տոպրակների մեջ տարբեր դետալներ, մետաղյա 1 փամփշտաշղթա, խլացուցիչի նմանվող առարկա, ինքնաձիգի 1 պահունակ` լիցքավորված 30 5,45 մմ տրամաչափի փամփուշտներով, օպտիկական նշանառության 1 սարք, 16 մմ տրամաչափի որսորդական 2 փամփուշտ, 9 մմ տրամաչափի 31 փամփուշտ, ստվարաթղթե 2 արկղ 222 ՌԵՄ տրամաչափի փամփուշտների համար` մեջը 19 հատ 222 ՌԵՄ տրամաչափի փամփուշտներ, 5 շամփուր, «ՎՕԳ-25»՝ 7 հատ, 7 հատ ճայթիչ հրապատիչ, 3 հատ 30 մմ տրամաչափի լուսաազդանշանային փամփուշտ, փամփուշտների մետաղյա արկղ` բաց վիճակում` գրեթե ամբողջությամբ լիցքավորված 7,62 մմ տրամաչափի ինքնաձիգի փամփուշտներով, 6 հատ ռետինե կտոր, 1 փաթեթ «ՕՇԱ» տեսակի հրահաղորդ քուղ, ինքնաձիգի 2 կափարիչ, 2 փողակալ, 1 զսպանակ, 2 փուք և 1 ամրակ:

Նշանակվել է դատաձգաբանական փորձաքննություն:

Կատարվում է հետաքննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Ոստիկանները մեկնեցին ահազանգի հետքերով. նշանակվել է դատաձգաբանական փորձաքննություն

ՀԻՄՆԱԿԱՆ