Ոստիկանները բերման էին ենթարկել խանութներից գողություն անելու կասկածանքով

Ապրիլի 26-ին, ժամը 19.40-ին, ոստիկանության Շենգավիթի բաժնի քրեական հետախույզները, հետաքննության բաժանմունքի ծառայողների հետ համատեղ, օպերատիվ տվյալներն իրացնելով, գողություն կատարելու կասկածանքով բերման են ենթարկել Չարենց թաղամասի բնակիչներ Լիդիա Ն.-ին և Սոֆյա Ն.-ին: Նրանց մոտ հայտնաբերվել են հագուստներ և իրեր:
Նրանք բացատրություն են տվել, որ հագուստները և իրերը գողացել են նույն օրը, ժամը 19-ի սահմաններում, Արշակունյաց պողոտայում գործող առևտրի կենտրոնից: Բացի այդ, կանայք նշել են, որ մարտ և ապրիլ ամիսներին հիշյալ առևտրի կենտրոնի տարբեր խանութներից կատարել են մի շարք այլ գողություններ ևս:
Վնասի չափը պարզվում է:
Նախապատրաստվում են նյութեր:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: