Ոտքերով և բռունցքներով հարվածներ են հասցրել

Մարտի 22-ին, ժամը 19.30-ին, 1978 թ. ծնված Հենրիկ Ռ.-ն ոստիկանության Մասիսի բաժնում հաղորդում էր տվել, որ Ղուկասավան գյուղի 18-րդ փողոցում իր հետ վիճաբանել են նշված գյուղի բնակիչներ, 1958 թ. ծնված Արամայիս Ա.-ն և նրա որդիները` 1982 թ. ծնված Էդգար Ա.-ն և 1991 թ. ծնված Աբրահամ Ա.-ն, ինչի ընթացքում վերջիններս ոտքերով ու բռունցքներով հարվածներ են հասցրել իր մարմնի տարբեր մասերին:
Հենրիկ Ռ.-ին տրվել է դատաբժշկի ուղեգիր:
Արամայիս, Էդգար և Աբրահամ Ա.-երը բերման են ենթարկվել ոստիկանության Մասիսի բաժին:
Նախապատրաստվում են նյութեր: