Այսօր ոստիկանությունում տեղի ունեցավ հերթական «Ուղիղ կապը» (ՏԵՍԱՆՅՈՒԹ)
![Այսօր ոստիկանությունում տեղի ունեցավ հերթական «Ուղիղ կապը» (ՏԵՍԱՆՅՈՒԹ) Այսօր ոստիկանությունում տեղի ունեցավ հերթական «Ուղիղ կապը» (ՏԵՍԱՆՅՈՒԹ)](/timthumb?src=/resources/police/img/news/big/1415715864,4332.jpeg&q=75&w=780&wm=1)
Նոյեմբերի 11-ին հերթական «Ուղիղ կապի» հյուրն էր ՀՀ ոստիկանության հերթապահ ծառայության վարչության պետ, ոստիկանության փոխգնդապետ Վահրամ Աբրահամյանը:
Ստացված հեռախոսազանգերը վերաբերում էին ոստիկանության ստորաբաժանումներում հանցագործությունների և պատահարների մասին հաղորդումներ ընդունելու ընթացակարգին, դրանց ձևերին, լուծման ուղիներին և նման իրավիճակներում ոստիկանության ծառայողների գործողություններին:
Հարցեր հնչեցին նաև հանցագործության մասին գրավոր հաղորդում ընդունող ոստիկանի կողմից քաղաքացուն տրամադրվելիք փաստաթղթի, ինչպես նաև հանցագործությունից տուժած անձանց պատճառված վնասը փոխհատուցելու կարգի վերաբերյալ:
«Ուղիղ կապի» ընթացքում պատասխաններ և պարզաբանումներ տրվեցին նաև ձերբակալվածների պահման վայրերում պահվող անձանց հետ տեսակցության, նրանց հանձնուքներ հանձնելու, ՁՊՎ-ներում ձերբակալված անձանց կողմից դիմումներ և բողոքներ ներկայացնելու կարգի, նրանց պահելու ժամկետների, պայմանների և բուժսպասարկում ապահովելու վերաբերյալ հարցադրումներին:
Ոստիկանություն զանգահարած քաղաքացիների բոլոր հարցերին տրվեցին սպառիչ պատասխաններ, իսկ օրվա թեմայի հետ չառնչվող մի շարք հարցերի վերաբերյալ էլ ոստիկանության պատասխանատուն տվեց անհրաժեշտ խորհրդատվություն:
Հիշեցնենք, որ քաղաքացիները կարող են «Ուղիղ կապ»-ի միջոցով ոստիկանության պաշտոնյաներին հարցեր ուղղել ամեն երեքշաբթի, ժամը 14.30-ից մինչև 16.30-ը՝ 010-59-60-54 հեռախոսահամարով:
«Ուղիղ կապ»-ի հերթական թեմայի և հարցերի վերաբերյալ տեղեկատվությունը կհրապարակվի նախապես: