Չարբախի ոստիկանները գողության դեպք են բացահայտել

Օգոստոսի 18-ին, ժամը 18.40-ին, ոստիկանության Չարբախի բաժանմունք ահազանգ էր ստացվել, որ օգոստոսի 11-ի ժամը 09.00-ից օգոստոսի 18-ի ժամը 18.40-ն ընկած ժամանակահատվածում գողացել են Շիրակի փողոցի ՍՊ ընկերության տարածքում կայանված «Կադիլակ XT-5» մակնիշի մեքենայի կողային հայելիները և լուսարձակը, իսկ «Կադիլակ» մակնիշի մեքենայի՝ երկու լուսարձակները:
Ոստիկանության Չարբախի բաժանմունքի ծառայողների ձեռնարկած միջոցառումների շնորհիվ նույն օրը, ժամը 22.30-ին, Շարուրի փողոցից, գողությունը կատարելու կասկածանքով, բերման է ենթարկվել 24-ամյա մի երիտասարդ, որը տվել է խոստովանական բացատրություն և ներկայացրել գողոնը:
Նախապատրաստվում են նյութեր: