Պայթյունի առաջացման հանգամանքները և վնասի չափը պարզվում են

Դեկտեմբերի 31-ին, ժամը 14.00-ին, «Վանաձոր» բժշկական կենտրոնից ոստիկանության Վանաձորի բաժնում հաղորդում է ստացվել, որ «մարմնի ջերմային այրվածքներ» ախտորոշմամբ իրենց մոտ բուժօգնության է դիմել 1975 թ. ծնված Վարդան Ս.-ն, որը հայտարարել է, որ վնասվածքներն ստացել է նույն օրը ժամը 13.40-ի սահմաններում, ՍՊԸ-ներից մեկին պատկանող հաշվապահական գրասենյակում, ծխախոտը վառելու նպատակով կրակայրիչից առաջացած պայթյունից:

 Մեկնած ոստիկանության ծառայողները պարզել են, որ պայթյունի հետևանքով մասնակի այրվել է գրասենյակի գույքը, կոտրվել են գրասենյակի պատուհանի ապակին և գրասենյակի մոտ կայանված, Վարդան Ս.-ին պատկանող «ՎԱԶ-2121» մակնիշի ավտոմեքենայի դռան ապակին:

 Պայթյունի առաջացման հանգամանքները և վնասի չափը պարզվում են: 

 Ոստիկանության Վանաձորի քննչական բաժնում նախապատրաստվում են նյութեր: