Պատահարներ Երևանում և հանրապետության ավտոճանապարհներին
![Պատահարներ Երևանում և հանրապետության ավտոճանապարհներին Պատահարներ Երևանում և հանրապետության ավտոճանապարհներին](/timthumb?src=/resources/police/img/news/big/1525787467,9236.jpeg&q=75&w=780&wm=1)
Մայիսի 7-ին, ժամը 10.00-ին, հիվանդանոց է դիմել 31-ամյա տղամարդ, որը հայտնել է, որ վնասվածք ստացել մայիսի 5-ին, ժամը 3.20-ին, Երևանի Իսահակյան և Աբովյան փողոցների խաչմերուկում «Հոնդա» և «ՎԱԶ-2107» մակնիշի ավտոմեքենաների միջև տեղի ունեցած ավտովթարի ժամանակ, և եղել է «ՎԱԶ-2107»-ի ուղևորը:
Կատարվում է քննություն:
***
Մայիսի 7-ին, ժամը 15.40-ին, հիվանդանոցից հաղորդում է ստացվել, որ «աջ սրունք թաթի վնասվածք» ախտորոշմամբ բուժօգնության է տեղափոխվել 5-ամյա տղա, որը ծնողը հայտնել է, որ բակում վայր է ընկել:
Նյութերի նախապատրաստման ընթացքում պարզվել է, որ երեխան մարմնական վնասվածքը ստացել է նույն օրը, ժամը 13.30-ին, Այգեստանի փողոցում «Ֆոլքսվագեն Գոլֆ» մակնիշի ավտոմեքենայի վարորդի կողմից վրաերթի ենթարկվելու հետևանքով:
Կատարվում է քննություն:
***
Մայիսի 5-ին, ժամը 18.30-ին, հիվանդանոցից հաղորդում էր ստացվել, որ «աջ ճաճանչոսկրի տիպիկ տեղի կոտրվածք» ախտորոշմամբ իրենց մոտ բուժօգնության է դիմել 61-ամյա կին, որը հայտնել է, որ վնասվածքը ստացել է տանը` վայր ընկնելու հետևանքով:
Նյութերի նախապատրաստման ընթացքում մայիսի 7-ին պարզվել է, որ հիշյալ կինը նշված վնասվածքը ստացել է մայիսի 5-ին, ժամը 14.00-ին, «Սուրմալու» առևտրի կենտրոնում «Տոյոտա Քեմրի» մակնիշի ավտոմեքենայի հետընթաց կատարելու և վրաերթի ենթարկվելու հետևանքով:
Կատարվում է քննություն:
***
Մայիսի 7-ին, ժամը 22.00-ին, Երևանի Գարեգին Նժդեհի և Սևանի փողոցների խաչմերուկում իրար են բախվել «ԳԱԶ 32213» և «ՎԱԶ-2121» մակնիշի ավտոմեքենաներ:
«ՎԱԶ-2121»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 7-ին, ժամը 02.30-ին, «Օպել» մակնիշի ավտոմեքենան Երևանի Ազատության պողոտայի և Ադոնցի փողոցի խաչմերուկում բախվել է կայանված «Ֆորդ» մակնիշի ավտոքարշակին:
«Օպել»-ի ուղևորը մարմնական վնասվածքներով բուժօգնության է տեղափոխվել հիվանդանոց:
Կատարվում է քննություն:
***
Մայիսի 8-ին, ժամը 00.30-ի սահմաններում, «ՎԱԶ-21134» մակնիշի ավտոմեքենան Մարգարա-Վանաձոր-Տաշիր ճանապարհի 35-րդ կմ-ին բախվել է «Ֆորդ» մակնիշի ավտոմեքենայի:
«ՎԱԶ-21134»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 7-ին, ժամը 11.30-ի սահմաններում, Երասխ-Երևան ճանապարհի 45-րդ կմ-ին «ՎԱԶ-2106» մակնիշի ավտոմեքենայի անսարքության հետևանքով 22-ամյա ուղևորը դուրս է նետվել ավտոմեքենայի խցիկից և մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 7-ին, ժամը 15.35-ի սահմաններում, «Միցուբիշի Լանսեռ» մակնիշի ավտոմեքենայի վարորդը Արտաշատի Օգոստոսի 23-ի փողոցի շուկայի տարածքում վրաերթի է ենթարկել 8-ամյա տղայի, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 7-ին, ժամը 21.00-ի սահմաններում, Երասխ-Երևան ճանապարհի 38-րդ կմ-ին իրար են բախվել «ՎԱԶ-21703» և «ՎԱԶ-2106» մակնիշի ավտոմեքենաներ:
«ՎԱԶ-2106»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 7-ին, ժամը 17.00-ի սահմաններում, Երևան-Իջևան ճանապարհի 60-րդ կմ-ին «Զիլ-ՄՄԶ-4502» մակնիշի ավտոմեքենան երթևեկելի գոտում շրջվել է. վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:
***
Մայիսի 7-ին, ժամը 11.00-ին, «Մերսեդես Բենց» մակնիշի ավտոմեքենայի վարորդը Վանաձոր քաղաքի Աղայան փողոցի թիվ 59 հասցեի մոտ վրաերթի է ենթարկել 15-ամյա պատանու և տեղափոխել նրան հիվանդանոց:
Կատարվում է քննություն:
***
Մայիսի 8-ին, ժամը 01.00-ին, «Մերսեդես Բենց» մակնիշի ավտոմեքենան Գյումրիի Գ.Նժդեհի փողոցի թիվ 14 հասցեի դիմաց բախվել է էլեկտրասյանը:
Վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: