Պատահար երկաթգծի Գեղանիստ գյուղի հատվածում. 62-ամյա տղամարդ է մահացել

Սեպտեմբերի 9-ին, ժամը 12.43-ին, «Հարավ կովկասյան երկաթուղի» ՓԲԸ օպերատիվ հերթապահից ոստիկանության Մասիսի բաժնում ահազանգ է ստացվել, որ Գեղանիստ գյուղի կամրջի տակ գնացքի տակ մարդ է ընկել:
Մեկնած օպերատիվ խումբը պարզել է, որ նույն օրը, ժամը 12.25-ի սահմաններում, երկաթգծի 7-րդ կմ 4-րդ պիկետում՝ Գեղանիստ գյուղի հատվածում, Երևան-Զոդ գնացքի 55-ամյա մեքենավարը հարվածել է չթույլատրված վայրում երկաթգիծն անցնող, 1956 թ. ծնված Մնացական Սաֆարյանին, որը մահացել է:
Կատարվում է քննություն: