Պատահարներ Երևանում և հանրապետության ավտոճանապարհներին

Նոյեմբերի 10-ին, ժամը 08.30-ին, «ՎԱԶ-21213» մակնիշի ավտոմեքենայի վարորդը Երևանի Գարեգին Նժդեհի փողոցի թիվ 56 շենքի դիմաց վրաերթի է ենթարկել 61-ամյա քաղաքացուհու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Նոյեմբերի 10-ին, ժամը 08.00-ին, Երևանի Խորենացու փողոցի թիվ 33 հասցեի դիմաց «BMV» մակնիշի ավտոմեքենան բախվել է քարերի, ինչի հետևանքով վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Նոյեմբերի 10-ին, ժամը 22.30-ին, Երևանի Պ. Սևակի և Կ. Ուլնեցու փողոցների խաչմերուկում «Ֆոլքսվագեն Գոլֆ» մակնիշի ավտոմեքենան բախվել է «Օպել Աստրա Ջի», որից հետո՝ «Օպել Վեկտրա» մակնիշի ավտոմեքենայի:
«Ֆոլքսվագեն Գոլֆ»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Նոյեմբերի 10-ին, ժամը 19.30-ի սահմաններում, Արարատի մարզի Երասխ գյուղից 500 մ հեռավորության վրա «ԶԻԼ 131» մակնիշի ավտոմեքենա է կողաշրջվել ձորակը:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Նոյեմբերի 10-ին, ժամը 22.30-ի սահմաններում, Այգավան-Ոսկետափ գյուղամիջյան ճանապարհին «ԲՄՎ» մակնիշի ավտոմեքենա է բախվել Երևանյան խճուղու թիվ 2 հասցեի ցանկապատին, ինչի հետևանքով վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Նոյեմբերի 10-ին, ժամը 15.30-ի սահմաններում, Երևան-Երասխ ճանապարհին՝ Մարմարաշեն գյուղի հատվածում, իրար են բախվել «Նիսան Մարչ» և «Զիլ ՄՄԶ-45021» մակնիշի ավտոմեքենաներ:
«Նիսան Մարչ»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Նոյեմբերի 10-ին, ժամը 14.20-ի սահմաններում, Երևան-Սևան-Իջևան ճանապարհի 62-րդ կմ-ին «Օպել Վեկտրա» մակնիշի ավտոմեքենա է դուրս եկել ճանապարհի երթևեկելի գոտուց և բախվել արգելապատնեշի, ինչի հետևանքով ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն:

***
Նոյեմբերի 10-ին, ժամը 15.00-ին, «Օպել Վեկտրա» մակնիշի ավտոմեքենայի վարորդը Կոտայքի մարզի Նոր Գեղի գյուղի Երևանյան փողոցի 1-ին կմ-ին վրաերթի է ենթարկել 13-ամյա պատանու և նրան տեղափոխել հիվանդանոց:
Կատարվում է քննություն:

***
Նոյեմբերի 10-ին, ժամը 12.50-ին, Ախուրյան-Կառնուտ ճանապարհի 2-րդ կմ-ին «ԳԱԶ 53» մակնիշի ավտոմեքենան բախվել է «Միցուբիշի» մակնիշի ավտոմեքենայի:
«Միցուբիշի»-ի 2 ուղևորուհիները մարմնական վնասվածքներով տեղափոխվել են հիվանդանոց:
Կատարվում է քննություն:

***
Նոյեմբերի 11-ին, ժամը 23.30-ի սահմաններում, Քաջարան քաղաքի Խանջյան փողոցի սկզբնամասում «ՎԱԶ-2106» մակնիշի ավտոմեքենա է դուրս եկել երթևեկելի գոտուց և բախվել մետաղյա տաղավարին:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Նոյեմբերի 10-ին, ժամը 10.00-ի սահմաններում, Երևան-Երասխ-Մեղրի Մ-2 ճանապարհից Զառիթափ գյուղ տանող ճանապարհի 5,5-րդ կմ-ին «ՎԱԶ-2106» մակնիշի ավտոմեքենա է դուրս եկել երթևեկելի մասից և բախվել ճամփեզրի պատին:
Վարորդը մարմնական վնասվածքով տեղափոխվել է հիվանդանոց:
Կատարվում է քննություն: