Պատահարներ Երևանում և հանրապետության ավտոճանապարհներին

Մայիսի 9-ին, ժամը 21.10-ին, «ՎԱԶ-2107» մակնիշի ավտոմեքենայի վարորդը Երևանի Դավիթ-Բեկի փողոցի թիվ 94 տան դիմաց վրաերթի է ենթարկել 59 և 49-ամյա երկու տղամարդկանց, որոնք մարմնական վնասվածքներով տեղափոխվել են հիվանդանոց:
Կատարվում է քննություն:

***
Մայիսի 9-ին, ժամը 13.10-ին, հիվանդանոցից ոստիկանությունում հաղորդում է ստացվել, որ Աշտարակ քաղաքի ճանապարհին տեղի ունեցած ավտովթարից ստացած մարմնական վնասվածքներով բուժօգնության է դիմել 24-ամյա երիտասարդ:
Մեկնած օպերատիվ խմբին երիտասարդը հայտարարել է, որ վնասվածքը ստացել է մայիսի 8-ին՝ իր վարած «Հունդայի էլանտրա» մակնիշի ավտոմեքենայով Աշտարակ քաղաքի ճանապարհի մայթեզրի բետոնե պատնեշին բախվելու հետևանքով:
Կատարվում է քննություն:

***
Մայիսի 10-ին, ժամը 00.15-ի սահմաններում, Մարգարա-Վանաձոր ճանապարհի 93-րդ կմ-ին «ՎԱԶ-2121» մակնիշի ավտոմեքենա է բախվել «ՈւԱԶ-23602» մակնիշի ավտոմեքենայի:
«ՎԱԶ-2121»-ի վարորդը, ուղևորը, «ՈւԱԶ-23602»-ի վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Մայիսի 9-ին, ժամը 18.30-ին, հիվանդանոցից ոստիկանությունում հաղորդում է ստացվել, որ «գլխուղեղային տրավմա, գանգի հիմի կոտրվածք` հարցականով» ախտորոշմամբ բուժօգնության է տեղափոխվել 38-ամյա տղամարդ:
Մեկնած օպերատիվ խումբը պարզել է, որ նույն օրը, ժամը 18.00-ի սահմաններում, տղամարդը մարմնական վնասվածքը ստացել է Երևան-Էջմիածին ճանապարհի 16,5-րդ կմ-ին՝ եղբոր վարած «Մերսեդես E-320» մակնիշի ավտոմեքենայի միջից վայր ընկնելու հետևանքով:
Կատարվում է քննություն:

***
Մայիսի 9-ին, ժամը 19.30-ի սահմաններում, Բջնի-Արզական ճանապարհին «ՎԱԶ-2106» մակնիշի ավտոմեքենա է բախվել «ՈւԱԶ-4696» մակնիշի ավտոմեքենայի:
Վարորդները մարմնական վնասվածքներով տեղափոխվել են հիվանդանոց:
Կատարվում է քննություն:

***
Մայիսի 9-ին, ժամը 19.25-ին, Շիրակի մարզի Գուսանագյուղ գյուղում «Մերսեդես E 350» մակնիշի ավտոմեքենա է շրջվել, ինչի հետևանքով վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Մայիսի 9-ին, ժամը 13.00-ի սահմաններում, Սյունիքի Գեղանուշ գյուղի կենտրոնական հատվածում «ՎԱԶ-2106» մակնիշի ավտոմեքենա է կողաշրջվել, ինչի հետևանքով ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մայիսի 9-ին, ժամը 17.25-ի սահմաններում, Տավուշի մարզի Ենոքավան գյուղի ճանապարհին «Մերսեդես Բենց» մակնիշի ավտոմեքենա է կողաշրջվել, ինչի հետևանքով 9 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***
Մայիսի 10-ին, ժամը 13.00-ին, Երևանի Բագրատունյաց պողոտայի թիվ 12 շենքի մոտ իրար են բախվել «ՎԱԶ-21115» և «Նիսան Մարչ» մակնիշի ավտոմեքենաներ:
«Նիսան Մարչ»-ի 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***
Մայիսի 10-ին, ժամը 20.10-ին, Երևանի Բագրևանդ փողոցի թիվ 36 հասցեի դիմաց իրար են բախվել «Միցուբիշի» և «ՎԱԶ-21074» մակնիշի ավտոմեքենաներ:
«ՎԱԶ-21074»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մայիսի 10-ին, ժամը 17.00-ին, Երևանի Զ. Քանաքեռցու և Հասրաթյան փողոցների խաչմերուկում իրար են բախվել «Հունդայի» և «ԲՄՎ» մակնիշի ավտոմեքենաներ:
«Հունդայի»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մայիսի 10-ին, ժամը 14.00-ի սահմաններում, Երևան-Գյումրի ճանապարհի 35-րդ կմ-ին «Միցուբիշի» մակնիշի ավտոմեքենա է դուրս եկել երթևեկելի գոտուց, կողաշրջվել, ինչի հետևանքով ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն:

***
Մայիսի 10-ին, ժամը 11.00-ի սահմաններում, Երևան-Երասխ ճանապարհի Ոսկետափ գյուղի հատվածում «Մերսեդես Բենց Ց180» մակնիշի ավտոմեքենա է բախվել «ՎԱԶ-2101» մակնիշի ավտոմեքենայի:
Վարորդները և «ՎԱԶ-2101»-ի ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Մայիսի 10-ին, ժամը 15.00-ի սահմաններում, «Մերսեդես-100» մակնիշի ավտոմեքենայի վարորդը Վաղարշապատի Կնունյանց փողոցում վրաերթի է ենթարկել 44-ամյա տղամարդու, որը մարմնական վնասվածքով դիմել է հիվանդանոց:
Կատարվում է քննություն:

***
Մայիսի 10-ին, ժամը 21.30-ի սահմաններում, Գեղարքունիքի մարզի Ակունք գյուղի Շահումյան փողոցում իրար են բախվել «Մոսկվիչ-2140» և «Ֆոլքսվագեն Վենտո» մակնիշի ավտոմեքենաներ:
«Մոսկվիչ-2140»-ի վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Մայիսի 10-ին, ժամը 21.50-ի սահմաններում, Հրազդանի Երևանյան և Սպանդարյան փողոցների խաչմերուկում իրար են բախվել «Ֆոլքսվագեն» և «Միցուբիշի» մակնիշի ավտոմեքենաներ:
«Միցուբիշի»-ի վարորդը և «Ֆոլքկսվագեն»-ի ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***

Մայիսի 10-ին, ժամը 22.15-ի սահմաններում, Արթիկ քաղաքի Բաղրամյան փողոցի թիվ 43 հասցեի մոտ «ԲՄՎ 3161» մակնիշի ավտոմեքենա է բախվել «Օպել Զաֆիրա» մակնիշի ավտոմեքենայի:
«ԲՄՎ 3161»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն: