Պատահարներ Երևանում և հանրապետության ավտոճանապարհներին

Մայիսի 21-ին, ժամը 00.40-ին, «Օպել-Կորսա» մակնիշի ավտոմեքենան բախվել է Երևանի Ջանիբեկյան փողոցի թիվ 61 տան դիմաց` մայթի վրա կայանված «Նիսան-Տեանա» մակնիշի ավտոմեքենային և վրաերթի ենթարկել վարորդին, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մայիսի 20-ին, ժամը 02.00-ին, անհայտ ավտոմեքենայի վարորդը Երևանի Րաֆֆու և Սեբաստիայի փողոցների խաչմերուկում վրաերթի է ենթարկել 59-ամյա կնոջ, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մայիսի 20-ին, ժամը 06.30-ի սահմաններում, Երևան-Սևան ճանապարհի 49-րդ կմ-ին «Ֆորդ Տրանզիտ» մակնիշի ավտոմեքենան բախվել է համընթաց շարժվող «ԶԻԼ-130» մակնիշի ավտոմեքենայի:
«Ֆորդ Տրանզիտ»-ի ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն:

***
Մայիսի 20-ին, ժամը 13.30-ի սահմաններում, «ԳԱԶել» մակնիշի ավտոմեքենայի վարորդը Աբովյանի 4-րդ միկրոշրջանի տպարանի մոտ վրաերթի է ենթարկել 14-ամյա աղջկա, ով մարմնական վնասվածքներով տեղափոխվել է հիվանդանոց:
Կատարվում է քննություն:

***
Մայիսի 20-ին, ժամը 21.25-ի սահմաններում, Սևան-Երևան ճանապարհին` խաղատան դիմաց, իրար են բախվել «Օպել Վեկտրա», «ԳԱԶ 24» և «Պաջերո Իյո» մակնիշի ավտոմեքենաներ:
«Պաջերո Իյո»-ի վարորդը մարմնական վնասվածքով տեղափոխվել է հիվանդանոց:
Կատարվում է քննություն:

***
Մայիսի 20-ին, ժամը 18.30-ի սահմաններում, Երևան-Գորիս ավտոմայրուղու` Շինուհայր գյուղ տանող ճանապարհի հատման խաչմերուկում «Միցուբիշի-Գրանդիս» մակնիշի ավտոմեքենան բախվել է «Օպել Աստրա» մակնիշի ավտոմեքենայի:
«Օպել Աստրա»-ի վարորդը և 3 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***

Մայիսի 20-ին, ժամը 13.45-ին, հիվանդանոցից ոստիկանության Իջևանի բաժնում հաղորդում է ստացվել, որ «ձախ անրակի կոտրվածք, ձախ թիակի շրջանի սալջարդ» ախտորոշմամբ բուժօգնության են տեղափոխվել 1964 թ. ծնված Արկադի Գ.-ն և 1953 թ. ծնված Կառլեն Ջ.-ն, որոնք հիվանդանոցում հայտնել են, որ վնասվածքները ստացել են Տավուշի մարզի Խաշթառակ գյուղում վայր ընկնելու հետևանքով:
Պարզվել է, որ Արկադի Գ.-ն և Կառլեն Ջ.-ն վնասվածքները ստացել են նույն օրը, ժամը 13.00-ի սահմաններում նշված գյուղի սարամասում «ՈՒԱԶ» մակնիշի ավտոմեքենայով կողաշրջվելու հետևանքով:
Կատարվում է քննություն:

***
Մայիսի 20-ին, ժամը 21.30-ի սահմաններում, Արծվաբերդ-Այգեձոր ճանապարհի 1-ին կմ-ին իրար են բախվել «ՎԱԶ 2121» և «ՎԱԶ 2103» մակնիշի ավտոմեքենաներ:
«ՎԱԶ 2103»-ի վարորդը և 4 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն: