Պատահարներ Երևանում և հանրապետության ավտոճանապարհներին
![Պատահարներ Երևանում և հանրապետության ավտոճանապարհներին Պատահարներ Երևանում և հանրապետության ավտոճանապարհներին](/timthumb?src=/resources/police/img/news/big/1519718739,8488.jpeg&q=75&w=780&wm=1)
Փետրվարի 26-ին, ժամը 21.00-ին, Երևանի Արտաշիսյան փողոցում անհայտ տաքսի ավտոմեքենայի վարորդի կողմից արգելակման հետևանքով 16-ամյա ուղևորուհին գլխով հարվածել է ավտոմեքենայի առջևի նստատեղին և մարմնական վնասվածքներով բուժօգնության դիմել հիվանդանոց:
Կատարվում է քննություն:
***
Փետրվարի 26-ին, ժամը 2.20-ին, «Օպել» մակնիշի ավտոմեքենան Երևանի Շահումյան 4-րդ փողոցի թիվ 44 տան մոտ բախվել է բետոնե արգելապատնեշի. վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:
***
Փետրվարի 26-ին, ժամը 14.40-ին, «Օպել» մակնիշի ավտոմեքենայի վարորդը Երևանի Վագների և Սեբաստիայի փողոցների խաչմերուկում վրաերթի է ենթարկել 34-ամյա քաղաքացուհու, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Փետրվարի 27-ին, ժամը 1.40-ի սահմաններում, «Մերսեդես E 320» մակնիշի ավտոմեքենան Գեղարքունիքի մարզի Նորատուս գյուղի Սևանի և Սարալանջի փողոցների խաչմերուկում դուրս է եկել երթևեկելի գոտուց, ընկել ջրատարը և գլխի վրա շրջվել:
Պատահարի հետրանքով երկու ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:
***
Փետրվարի 26-ին, ժամը 16.50-ի սահմաններում, Կոտայքի մարզի Բալահովիտ գյուղի Կենտրոնական փողոցում իրար են բախվել «Օպել Աստրա» և «Ֆոլքսվագեն Գոլֆ» մակնիշի ավտոմեքենաներ:
«Ֆոլքսվագեն Գոլֆ»-ի վարորդը և ուղևորը տեղում ստացել են բուժօգնություն և հրաժարվել հիվանդանոց դիմելուց:
Կատարվում է քննություն:
***
Փետրվարի 26-ին, ժամը 8.10-ի սահմաններում, «ՎԱԶ-2110» մակնիշի ավտոմեքենան Սևան-Երևան ճանապարհի 28-րդ կմ-ին բախվել է գովազդային վահանակի երկաթյա սյանը. երկու ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:
***
Փետրվարի 26-ին, ժամը 15.15-ին, հիվանդանոցից ոստիկանությունում հաղորդում է ստացվել, որ վրաերթի հետևանքով ստացած «ձախ զստային շրջանի փափուկ հյուսվածքների սալջարդ» ախտորոշմամբ իրենց մոտ է տեղափոխվել 10-ամյա աղջիկ:
Ձեռնարկված օպերատիվ-հետախուզական միջոցառումներով պարզվել է, որ նույն օրը, ժամը 14.35-ի սահմաններում, «ԻԺ-27151» մակնիշի ավտոմեքենայի վարորդը Կապան քաղաքի Թումանյան փողոցում վրաերթի է ենթարկել հիշյալ աղջկան, որը մարմնական վնասվածքներով տեղափոխվել է հիվանդանոց:
Ժամը 17.20-ին վարորդը ներկայացել է ոստիկանություն և տվել խոստովանական բացատրություն:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: