Պատահար Երևան-Սևան-Իջևան ճանապարհին. 1 զոհ, 2 վիրավոր

Հունվարի 2-ին, ժամը 16.00-ին, ոստիկանության Սևանի բաժին հաղորդում է ստացվել, որ Սևանի ՃՈ անշարժ պահակակետի մոտ ավտովթար է տեղի ունեցել:
Մեկնած օպերատիվ խումբը պարզել է, որ նույն օրը, ժամը 15.50-ի սահմաններում, «Օպել Աստրա» մակնիշի ավտոմեքենան Երևան-Սևան-Իջևան ճանապարհի 58.5-րդ կմ հատվածում դուրս է եկել երթևեկելի գոտուց և գլխիվայր շրջվել:
Վարորդը և 2 ուղևոր մարմնական վնասվածքներով տեղափոխվել են հիվանդանոց, որտեղ ուղևորներից 1976 թ. ծնված Միքայել Սարգսյանը մահացել է:
Կատարվում է քննություն: