Ճանապարհատրանսպորտային պատահարներ Հայաստանում

Մարտի 15-ին, ժամը 11.30-ի սահմաններում, Երասխ-Երևան ճանապարհին՝ Այնթապ գյուղի հատվածում, «ԲՄՎ» մակնիշի ավտոմեքենայի վարորդը վրաերթի է ենթարկել 24-ամյա երիտասարդի, որը մարմնական վնասվածքներով տեղափոխվել է հիվանդանոց:
Կատարվում է քննություն։
***
Մարտի 15-ին, ժամը 19.35-ի սահմաններում, Երևան-Սևան-Իջևան ճանապարհի 77-րդ կմ-ին «Օպել» մակնիշի ավտոմեքենան դուրս է եկել երթևեկելի գոտուց, բախվել հողաթմբին և գլորվել. 24-ամյա վարորդը և 23-ամյա ուղևորուհին մարմնական վնասվածքներով տեղափոխվել են հիվանդանոց:
Կատարվում է քննություն։
***
Մարտի 15-ին, ժամը 20.50-ի սահմաններում, Աբովյան քաղաքի Սևանի փողոցում իրար են բախվել «Օպել» և «Ֆորդ» մակնիշի ավտոմեքենաներ. «Օպելի» 25-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։
***
Մարտի 15-ին, ժամը 16.30-ին, Գյումրի քաղաքի Գերցենի փողոցում «ԲՄՎ» մակնիշի ավտոմեքենայի վարորդը վրաերթի է ենթարկել 36-ամյա կնոջ, որը մարմնական վնասվածքներով տեղափոխվել է հիվանդանոց:
Կատարվում է քննություն։
***
Մարտի 15-ին, ժամը 22.30-ի սահմաններում, Գյումրի քաղաքի Նարեկացու և Բակունցի փողոցների խաչմերուկում իրար են բախվել «ԲՄՎ» և «ՎԱԶ-21070» մակնիշի ավտոմեքենաներ. վարորդները և «ՎԱԶ-21070»-ի երկու ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։
***
Մարտի 15-ին, ժամը 13.45-ի սահմաններում, Սիսիան-Իշխանասար ճանապարհի 1-ին կմ-ին «Մերսեդես» մակնիշի ավտոմեքենան դուրս է եկել երթևեկելի գոտուց և գլորվելով հայտնվել դաշտում. 24-ամյա վարորդը և երեք ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։