Ճանապարհատրանսպորտային պատահարներ Հայաստանում

Հունիսի 2-ին, ժամը 22.00-ին, անհայտ մեքենայի վարորդը Երևանի Ագաթանգեղոսի փողոցում վրաերթի է ենթարկել 51-ամյա տղամարդու, որը մարմնական վնասվածքներով բուժօգնության է տեղափոխվել հիվանդանոց:
Կատարվում է քննություն։

***

Հունիսի 2-ին, ժամը 23.45-ին, «Նիսան» մակնիշի մեքենայի վարորդը Երևանի Բագրատունյաց փողոցում վրաերթի է ենթարկել 62-ամյա տղամարդու, որը մարմնական վնասվածքներով բուժօգնության է տեղափոխվել հիվանդանոց:
Կատարվում է քննություն։

***

Հունիսի 3-ին, ժամը 11.50-ին, Տիգրան Մեծի պողոտայում իրար են բախվել «Օպել» մակնիշի մեքենան և հեծանիվը. 40-ամյա հեծանվորդը մարմնական վնասվածքներով բուժօգնության է տեղափոխվել հիվանդանոց:
Կատարվում է քննություն։

***

Հունիսի 3-ին, ժամը 00.35-ին, «Նիսան» մակնիշի մեքենան բախվել է Կոմիտասի պողոտայում կայանված «Հոնդա» և «Ռենո» մակնիշի մեքենաների. վարորդը մարմնական վնասվածքներով բուժօգնության է տեղափոխվել հիվանդանոց:
Կատարվում է քննություն։

***

Հունիսի 3-ին, ժամը 20.40-ի սահմաններում, «Միցուբիշի Մոնտերո» մակնիշի մեքենան Ալագյազ-Արթիկ ճանապարհին դուրս է եկել երթևեկելի գոտուց և կողաշրջվել. վարորդը և 4 ուղևորները մարմնական վնասվածքներով բուժօգնության են տեղափոխվել հիվանդանոց:
Կատարվում է քննություն։

***

Հունիսի 3-ին, ժամը 17.40-ի սահմաններում, «ՎԱԶ-21703-110» մակնիշի մեքենան Մեղրի-Երևան ճանապարհի 347-րդ կմ-ին՝ Տափերական գյուղի հատվածում, բախվել է կայանված «ԶԻԼ ՄՄԶ-45021» բեռնատարին. վարորդը մարմնական վնասվածքներով բուժօգնության է տեղափոխվել հիվանդանոց:
Կատարվում է քննություն։

*** 

Հունիսի 3-ին, ժամը 18.50-ի սահմաններում, Սևան-Մարտունի-Գետափ ճանապարհի 58-րդ կմ-ին իրար են բախվել «ՎԱԶ-2106» և «ՎԱԶ-2110» մակնիշի մեքենաներ, ինչի հետևանքով վերջինիս 61-ամյա ուղևորուհին մարմնական վնասվածքներով բուժօգնության է տեղափոխվել հիվանդանոց:
Կատարվում է քննություն։

***

Հունիսի 3-ին, ժամը 21.20-ին, «Մազդա մակնիշի մեքենայի վարորդը Վանաձոր քաղաքի Բաղրամյան փողոցում վրաերթի է ենթարկել 62-ամյա տղամարդու, որը մարմնական վնասվածքներով բուժօգնության է տեղափոխվել հիվանդանոց:
Կատարվում է քննություն։

***

Հունիսի 3-ին, ժամը 15.35-ի սահմաններում, «Օպել Աստրա» մակնիշի մեքենան Վանաձոր-Ստեփանավան ճանապարհի 4-րդ կմ-ին դուրս է եկել երթևեկելի գոտուց և ընկել ձորակը. 35-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***

Հունիսի 3-ին, ժամը 21.45-ի սահմաններում, «Մերսեդես» մակնիշի մեքենան Մայակովսկի-Ձորաղբյուր ճանապարհին դուրս է եկել երթևեկելի գոտուց և գլխիվայր շրջվել. 48-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***

Հունիսի 3-ին, ժամը 09.15-ի սահմաններում, «Տոյոտա Կորոլա» մակնիշի մեքենան Երևան-Գյումրի ճանապարհի 101-րդ կմ-ին բախվել է բետոնե արգելապատնեշներին. վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

*** 

Հունիսի 3-ին, ժամը 04.10-ի սահմաններում, «Մերսեդես Բենց» մակնիշի մեքենան Տավուշի մարզի Պտղավան բնակավայրի վարչական տարածքում դուրս է եկել երթևեկելի մասից, բախվել հողաթմբին և կողաշրջվել. 26-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

*** 

Հունիսի 3-ին, ժամը 14.30-ի սահմաններում, «ՈՒԱԶ» մեքենան Տավուշի մարզի Վարագավան-Վերին Ծաղկավան ճանապարհին դուրս է եկել երթևեկելի մասից և հայտնվել դաշտում. վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն։