Ճանապարհատրանսպորտային պատահարներ Հայաստանում

Մայիսի 6-ին, ժամը 11.25-ին, հիվանդանոց բուժօգնության դիմած 60-ամյա քաղաքացին հայտնել է, որ մարմնական վնասվածքները ստացել է մայիսի 4-ին, ժամը 19.00-ին, Երևանի Կոմիտասի պողոտայի և Վրացական փողոցի խաչմերուկում անհայտ ավտոմեքենայի վարորդի կողմից վրաերթի ենթարկվելու հետևանքով:
Կատարվում է քննություն։

***

Մայիսի 7-ին, ժամը 00.40-ի սահմաններում, Հայանիստ-Հովտաշատ գյուղերի խաչմերուկում «Օպել Աստրա» մակնիշի ավտոմեքենայի վարորդը վրաերթի է ենթարկել 45-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***

Մայիսի 6-ին, ժամը 21.15-ի սահմաններում, Երևան-Արմավիր ճանապարհի 16-րդ կմ-ին իրար են բախվել «ԳԱԶ-5312» և «Մերսեդես» մակնիշի ավտոմեքենաներ. «Մերսեդեսի» 33-ամյա վարորդը և երեք ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։

***

Մայիսի 6-ին, ժամը 17.00-ի սահմաններում, Ճամբարակ քաղաքի Սեպտեմբերի 21-ի և Գետափնյա փողոցների խաչմերուկում իրար են բախվել «ԳԱԶ-24» և «ԳԱԶ-33021» մակնիշի ավտոմեքենաներ. «ԳԱԶ-24»-ի 48-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***

Մայիսի 6-ին, ժամը 15.00-ի սահմաններում, Կոտայքի մարզի Քանաքեռավան գյուղում «Միցուբիշի Մոնտերո» մակնիշի ավտոմեքենայի վարորդը վրաերթի է ենթարկել 8-ամյա աղջկա և իր մեքենայով տեղափոխել հիվանդանոց:
Կատարվում է քննություն։

***

Մայիսի 7-ին, ժամը 00.10-ի սահմաններում, Զովունի-Քանաքեռավան ճանապարհի 2-րդ կմ-ին «Օպել» մակնիշի ավտոմեքենան կողաշրջվել է. 43-ամյա վարորդը և երկու ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։