Պատահարներ Երևանում և հանրապետության ավտոճանապարհներին
![Պատահարներ Երևանում և հանրապետության ավտոճանապարհներին Պատահարներ Երևանում և հանրապետության ավտոճանապարհներին](/timthumb?src=/resources/police/img/news/big/1528354351,7863.jpeg&q=75&w=780&wm=1)
Հունիսի 6-ին, ժամը 15.00-ին, «Նիսան» մակնիշի ավտոմեքենայի վարորդը Երեւանի Աբովյան և Պուշկինի փողոցների խաչմերուկում վրաերթի է ենթարկել 62-ամյա քաղաքացուհու, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Հունիսի 6-ին, ժամը 9.30-ին, Երեւանի Ծիծեռնակաբերդի խճուղու և Եղեռնի հուշահամալիր իջնող ճանապարհի հատման մասում իրար են բախվել տաքսի և անհայտ մակնիշի ավտոմեքենա. տաքսու ուղևորուհին մարմնական վնասվածքով դիմել է հիվանդանոց։
Կատարվում է քննություն:
***
Հունիսի 3-ին, ժամը 13.05-ին, հիվանդանոցից ոստիկանության Մասիսի բաժնում հաղորդում է ստացվել, որ մարմնական վնասվածքներով իրենց մոտ է ընդունվել 3-ամյա երեխա. երեխայի մայրը հայտնել էր, որ նա տան բակում հեծանիվից է ընկել:
Նյութերի նախապատրաստման ընթացքում պարզվել է, որ երեխան վնասվածքները ստացել է Սայաթ-Նովա գյուղում՝ հորեղբոր վարած «Հոնդա» մակնիշի մեքենան անհայտ մակնիշի մեքենային բախվելու հետևանքով:
Կատարվում է քննություն:
***
Հունիսի 6-ին, ժամը 9.35-ի սահմաններում, Երևան-Արմավիր ճանապարհին իրար են բախվել «Մերսեդես» եւ «Իժ» մակնիշի ավտոմեքենաներ. վարորդները եւ «Իժ» մակնիշի ավտոմեքենայի 7-ամյա ուղևորը մարմնական վնասվածքներով տեղափոխվել են հիվանդանոց։
Կատարվում է քննություն:
***
Հունիսի 6-ին, ժամը 19.30-ի սահմաններում, «Մերսեդես Բենց» մակնիշի ավտոմեքենայի վարորդը Վանաձորի Վարդանանց փողոցում վրաերթի է ենթարկել 15-ամյա աղջկա, որը մարմնական վնասվածքով «շտապօգնության» մեքենայով տեղափոխվել է հիվանդանոց։
Կատարվում է քննություն:
***
Հունիսի 6-ին, ժամը 18.00-ի սահմաններում, Աբովյան-Ջրաբեր ճանապարհին իրար են բախվել «Օպել Զաֆիռա» եւ «Ֆոլքսվագեն Գոլֆ» մակնիշի ավտոմեքենաներ. «Ֆոլքբվագեն Գոլֆ»-ի վարորդը մարմնական վնասվածքներով տեղափոխվել է հիվանդանոց։
Կատարվում է քննություն:
***
Հունիսի 6-ին, ժամը 20.30-ի սահմաններում, «ՎԱԶ-2106» մակնիշի ավտոմեքենան Գորիսի Սյունիքի և Ավանգարդի փողոցների խաչմերուկում բախվել է «KIA RIO 1.6» մակնիշի ավտոմեքենային. «ՎԱԶ-2106»-ի վարորդը եւ ուղևորը մարմնական վնասվածքներով տեղափոխվել են հիվանդանոց։
Կատարվում է քննություն:
***
Հունիսի 6-ին, ժամը 19.00-ի սահմաններում, «ՈւԱԶ Պատրիոտ» մակնիշի ավտոմեքենանՎայոց ձորի մարզի Չիվա գյուղի «Հեշին» կոչվող տարածքում դուրս է եկել երթևեկելի գոտուց եւ կողաշրջվել. վարորդը եւ ուղևորը մարմնական վնասվածքներով տեղափոխվել են «հիվանդանոց։
Կատարվում է քննություն:
***
Հունիսի 6-ին, ժամը 17.00-ի սահմաններում, 15-ամյա պատանին վարելով պապի «Մոսվկիչ» մակնիշի ավտոմեքենան՝ Վայոց ձորի մարզի Զառիթափ գյուղի ճանապարհին դուրս է եկել երթևեկելի գոտուց եւ կողաշրջվել. պատանին եւ հասակակից երկու ուղևորները մարմնական վնասվածքներով տեղափոխվել են հիվանդանոց։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: