Ճանապարհատրանսպորտային պատահարներ Հայաստանում
![Ճանապարհատրանսպորտային պատահարներ Հայաստանում Ճանապարհատրանսպորտային պատահարներ Հայաստանում](/timthumb?src=/resources/police/img/news/big/1684399792-3001.jpeg&q=75&w=780&wm=1)
Մայիսի 16-ին, ժամը 20.10-ին, Երևանի Աբովյան և Սարալանջի փողոցների շրջանաձև երթևեկության խաչմերուկում իրար են բախվել «Տոյոտա» և «Միցուբիշի» մակնիշի ավտոմեքենաներ. «Միցուբիշիի» 30-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 16-ին, ժամը 19.35-ին, Երևանի Այվազովսկու փողոցում «Օպել» մակնիշի ավտոմեքենայի վարորդը վրաերթի է ենթարկել 18-ամյա և 22-ամյա քաղաքացիների, որոնք մարմնական վնասվածքներով տեղափոխվել են հիվանդանոց:
Կատարվում է քննություն:
***
Մայիսի 17-ին, ժամը 16.20-ի սահմաններում, Մարգարա-Վանաձոր-Տաշիր ճանապարհի 25-րդ կմ-ին իրար են բախվել «Ֆորդ Տրանզիտ» և «Տոյոտա» մակնիշի ավտոմեքենաներ. «Տոյոտայի» 34-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 17-ին, ժամը 08.55-ի սահմաններում, Վանաձոր-Ալավերդի ճանապարհի 30-րդ կմ-ին իրար են բախվել «Տոյոտա Ռաֆ-4» և «Լադա Պրիորա» մակնիշի ավտոմեքենաներ. «Տոյոտա Ռաֆ-4»-ի 38-ամյա վարորդը և «Լադա Պրիորայի» երկու ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:
***
Մայիսի 17-ին, ժամը 16.50-ին, հիվանդանոցից հաղորդում է ստացվել, որ բուժօգնության տեղափոխված 10-ամյա աղջիկը հայտնել էր, որ մարմնական վնասվածքները ստացել է վրաերթի ենթարկվելու հետևանքով: Ժամը 17.00-ին ոստիկանության Գուգարքի բաժին է ներկայացել 38-ամյա տղամարդ և խոստովանել, որ Գարեգին Նժդեհի փողոցում իր «ՎԱԶ-21101» մակնիշի ավտոմեքենայով վրաերթի է ենթարկել 10-ամյա աղջկան:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: