Պատահարներ Երևանում և հանրապետության ավտոճանապարհներին

Հունիսի 27-ին, ժամը 12.40-ին, «Պեժո» մակնիշի ավտոմեքենայի վարորդը Երևանի Չարենցի փողոցի թիվ 1 հասցեի մոտ վրաերթի է ենթարկել 32-ամյա քաղաքացուհու և նրան տեղափոխել հիվանդանոց:

Կատարվում է քննություն:

 

***

 

Հունիսի 27-ին, ժամը  20.50-ին, «Կիա» մակնիշի ավտոմեքենայի վարորդը Երևանի Ռոստոմյան փողոցի թիվ 1 տան մոտ վրաերթի է ենթարկել 8-ամյա տղայի, որը վնասվածքներով տեղափոխվել է հիվանդանոց:

Կատարվում է քննություն:

 

***

 

Հունիսի 27-ին, ժամը  17.00-ին, Երևանի Բագրատունյաց փողոցի թիվ 10 հասցեի մոտ իրար են բախվել «Նիսան», «Օպել» և «Մերսեդես» մակնիշի ավտոմեքենաներ:

«Մերսեդես»-ի վարորդը մարմնական վնասվածքներով տեղափոխվել է հիվանդանոց:

Կատարվում է քննություն:

 

***

 

Հունիսի 27-ին, ժամը  23.00-ին, թիվ 11 երթուղու «ԳԱԶ-32213» մակնիշի միկրոավտոբուսը Երևանի Մանանդյան փողոցի թիվ 17 հասցեի դիմաց բախվել է «Տոյոտա» մակնիշի ավտոմեքենայի:

Միկրոավտոբուսի ուղևորը մարմնական վնասվածքներով տեղափոխվել է հիվանդանոց:

Կատարվում է քննություն:

 

***

 

Հունիսի 27-ին, ժամը  3.40-ին, «Մերսեդես» մակնիշի ավտոմեքենան Երևանի Մ.Խորենացու փողոցի թիվ 181 հասցեի դիմաց բախվել է բետոնե պատին և շրջվել:

Վարորդը մարմնական վնասվածքներով տեղափոխվել է հիվանդանոց:

Կատարվում է քննություն:

 

***

 

Հունիսի 27-ին, ժամը 15.30-ին, «ԳԱԶ-24» մակնիշի ավտոմեքենայի վարորդը Երևանի Գայի պողոտայի թիվ 2 շենքի մոտ վրաերթի է ենթարկել 16-ամյա պատանու, որը մարմնական վնասվածքներով տեղափոխվել է հիվանդանոց:

Կատարվում է քննություն:

 

***

 

Հունիսի 27-ին, ժամը 22.20-ին, Երևանի Թբիլիսյան խճուղու և Զ.Սարկավագի փողոցի խաչմերուկում իրար են բախվել «Տոյոտա» և «ՎԱԶ-21063» մակնիշի ավտոմեքենաներ, ապա «Տոյոտա»-ն բախվել է կայանված «Նիսան»-ին:

«ՎԱԶ-21063»-ի վարորդը և 5 ուղևորները /այդ թվում` 6 ամսական աղջիկ/ վնասվածքներով տեղափոխվել են հիվանդանոց:

Կատարվում է քննություն:

 

***

 

Հունիսի 27-ին, ժամը  9.00-ին, Երևան-Արմավիր ճանապարհի 21-րդ կմ-ին իրար են բախվել «ՎԱԶ-21703» և «ՄԱՆ» մակնիշի ավտոմեքենաներ:

«ՎԱԶ-21703»-ի վարորդը մարմնական վնասվածքներով բուժօգնության է տեղափոխվել հիվանդանոց:

Կատարվում է քննություն:

 

***

 

Հունիսի 27-ին, ժամը 11.00-ի սահմաններում, «ՈւԱԶ» մակնիշի ավտոմեքենան Ճամբարակից դեպի Ադրբեջանական սահման բարձրացող ճանապարհի 7-րդ կմ-ին շրջվել է «Խուրջին հողեր» հանդամասի ձորը, ինչի հետևանքով վարորդը և 2 ուղևորները մարմնական վնասվածքներով բուժօգնության են դիմել հիվանդանոց:

Կատարվում է քննություն:

 

***

 

Հունիսի 27-ին ոստիկանության Տարոնի բաժնում հաղորդում է ստացվել, որ նույն օրը, ժամը  18.00-ի սահմաններում, Գրիգոր Լուսավորչի փողոցի թիվ 38 հասցեի դիմաց «Ֆոլքսվագեն» մակնիշի ավտոմեքենայի վարորդը վրաերթի է ենթարկել 56-ամյա տղամարդու և պատճառել ծնկի ու սրունքի քերծված վերքեր, ապա առաջարկել է բուժօգնություն ցուցաբերելու համար տեղափոխել հիվանդանոց, սակայն վերջինս հրաժարվել է:

Կատարվում է քննություն: