Ճանապարհատրանսպորտային պատահարներ Հայաստանում

Մարտի 1-ին, ժամը 11.55-ին, Երևանի Մովսես Խորենացու փողոցում իրար են բախվել «Մերսեդես» մակնիշի երկու մեքենա, որոնցից մեկի 20-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***

Մարտի 1-ին, ժամը 22.30-ի սահմաններում, «ՎԱԶ-217230» մակնիշի մեքենան Վեդի քաղաքի Արարատյան փողոցում դուրս է եկել երթևեկելի գոտուց և բախվել գազատարի հենասյանը. 16-ամյա ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն:

***

Մարտի 1-ին, ժամը 09.50-ի սահմաններում, «Օպել» մակնիշի մեքենայի վարորդը Արմավիր քաղաքի Հանրապետության փողոցում վրաերթի է ենթարկել 46-ամյա կնոջ, որը մարմնական վնասվածքներով տեղափոխվել է հիվանդանոց:
Կատարվում է քննություն:

***

Մարտի 1-ին, ժամը 21.50-ին, հիվանդանոցից հաղորդում է ստացվել, որ բուժօգնության տեղափոխված 36-ամյա տղամարդը հայտնել է, որ Արմավիր քաղաքի խանութներից մեկի մոտ վրաերթի է ենթարկվել: Ձեռնարկված օպերատիվ-հետախուզական միջոցառումների շնորհիվ պարզվել է, որ ժամը 21.30-ի սահմաններում Արմավիր քաղաքի Հանրապետության և Մյասնիկյան փողոցների խաչմերուկում նրան վրաերթի է ենթարկել «Օպել» մակնիշի մեքենայի վարորդը, որը բացատրական աշխատանքի շնորհիվ ներկայացել է բաժին և տվել բացատրություն:
Կատարվում է քննություն:

***

Մարտի 1-ին, ժամը 03.20-ի սահմաններում, Երևան-Իջևան ճանապարհի 55-րդ կմ-ին «Նիսան Մաքսիմա» մակնիշի մեքենան դուրս է եկել երթևեկելի գոտուց և շրջվել. 31-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

*** 

Մարտի 2-ին, ժամը 00.20-ի սահմաններում, «Մերսեդես» մակնիշի մեքենան Երևան-Մեղրի ճանապարհի 316-րդ կմ-ին դուրս է եկել երթևեկելի մասից և բախվել ծառի. 35-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն: