Ճանապարհատրանսպորտային պատահարներ Հայաստանում

Մարտի 1-ին, ժամը 23.20-ին, Երևանի Հերացու և Արմենակյան փողոցների խաչմերուկում իրար են բախվել «Մերսեդես» և «Օպել» մակնիշի ավտոմեքենաներ. «Օպելի» 58-ամյա ուղևորը մարմնական վնասվածքներով բուժօգնության է տեղափոխվել հիվանդանոց:
Կատարվում է քննություն:

***

Մարտի 2-ին, ժամը 00.30-ին, Երևանի Բաբաջանյան փողոցում «ԲՄՎ» մակնիշի ավտոմեքենան բախվել է բետոնե արգելապատնեշին. 28-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***

Մարտի 2-ին, ժամը 14.20-ին, Երևանի Թևոսյան փողոցում «Նիսան» մակնիշի ավտոմեքենան բախվել է ծառին, այնուհետև ճամփեզրին կայանված «ՎԱԶ-2121» մակնիշի ավտոմեքենայի. 16-ամյա վարորդը և երեք ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***

Մարտի 2-ին, ժամը 18.30-ի սահմաններում, Վանաձորի Զորավար Անդրանիկի փողոցում «Տոյոտա Քեմրի» մակնիշի ավտոմեքենայի վարորդը վրաերթի է ենթարկել 40-ամյա քաղաքացու և 16-ամյա աղջկա, որոնք հարվածից դիպել են «Մերսեդես» մակնիշի ավտոմեքենայի և մարմնական վնասվածքներով տեղափոխվել հիվանդանոց:
Կատարվում է քննություն:

***

Մարտի 2-ին, ժամը 14.15-ի սահմաններում, Աբովյան քաղաքի Հատիսի փողոցում «ՎԱԶ-21010» մակնիշի ավտոմեքենայի վարորդը վրաերթի է ենթարկել 58-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***

Մարտի 2-ին, ժամը 10.00-ի սահմաններում, Երևան-Մեղրի ճանապարհի 122,5-րդ կմ-ին իրար են բախվել «ԲՄՎ» և «Ֆոլքսվագեն» մակնիշի ավտոմեքենաներ. «Ֆոլքսվագենի» 24-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***

Մարտի 2-ին, ժամը 11.30-ի սահմաններում, Տավուշի մարզի Բաղանիս բնակավայրի տարածքում «Միցուբիշի Պաջերո» մակնիշի ավտոմեքենան բախվել Է «Ֆոլքսվագեն Ջետա» մակնիշի ավտոմեքենայի, որի 36-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն: