Գլխավոր էջ
ՆՈՐՈՒԹՅՈՒՆՆԵՐ
Օպերատիվ ամփոփագրեր
ՃՏ պատահարներ
Պատահարներ Երևանում և հանրապետության ավտոճանապարհներին

Պատահարներ Երևանում և հանրապետության ավտոճանապարհներին

08.07.2016 11:42 ՃՏ պատահարներ

Հուլիսի 7-ին, ժամը 10.00-ին, անհայտ ավտոմեքենայի վարորդը Երևանի Պարոնյան փողոցի թիվ 1 շենքի մոտ վրաերթի է ենթարկել 80-ամյա կնոջ և դիմել փախուստի:

Տարեց կինը մարմնական վնասվածքներով բուժօգնության է տեղափոխվել հիվանդանոց:

Ոստիկանության ծառայողների ձեռնարկած միջոցառումների շնորհիվ պարզվել է, որ նշված վրաերթը կատարել է 1948 թ. ծնված Ռուբիկ Ե.-ն՝ իր վարած «Հունդայի» մակնիշի ավտոմեքենայով: Նա նույն օրը, ժամը 16.00-ին, ներկայացվել է բաժին և տվել խոստովանական բացատրություն:

Կատարվում է քննություն:

***

Հուլիսի 7-ին, ժամը 13.45-ին, Երևանի Լենինգրադյան փողոցի թիվ 42/3 շենքի մոտ իրար են բախվել «Ֆոլքսվագեն» մակնիշի երկու ավտոմեքենա:

Ավտոմեքենաներից մեկի ուղևորուհին մարմնական վնասվածքներով տեղափոխվել է հիվանդանոց:

Կատարվում է քննություն:

***

Հուլիսի 7-ին, ժամը 23.30-ին, «Նիսան» մակնիշի ավտոմեքենան Հրազդանի կիրճում՝ թիվ 58 էլեկտրասյան դիմաց, դուրս է եկել ճանապարհի երթևեկելի հատվածից և ընկել գետը:

Վարորդը մարմնական վնասվածքներով տեղափոխվել է հիվանդանոց:

Կատարվում է քննություն:

***

Հուլիսի 7-ին, ժամը 8.35-ին, Երևանի Ծովակալ Իսակովի պողոտայի թիվ 24 շենքի մոտ իրար են բախվել «Օպել» և «Միցուբիշի» մակնիշի ավտոմեքենաներ:

«Օպել»-ի ուղևորը մարմնական վնասվածքներով տեղափոխվել է հիվանդանոց:

Կատարվում է քննություն:

***

Հուլիսի 7-ին, ժամը 22.30-ի սահմաններում, Երևան-Երասխ ճանապարհի Արաքսավան գյուղի հատվածում իրար են բախվել «Ֆոլքսվագեն Վենտո» և «Օպել Աստրա» մակնիշի ավտոմեքենաներ:

«Ֆոլքսվագեն Վենտո»-ի ուղևորուհին մարմնական վնասվածքներով տեղափոխվել է հիվանդանոց:

Կատարվում է քննություն:

***

Հուլիսի 7-ին, ժամը 16.30-ի սահմաններում, Վաղարշապատի Թումանյան և Հոկտեմբերի փողոցների խաչմերուկում իրար են բախվել «Օպել» և «ՎԱԶ-2101» մակնիշի ավտոմեքենաներ:

«ՎԱԶ-2101»-ի ուղևորուհին մարմնական վնասվածքներով տեղափոխվել է հիվանդանոց:

Կատարվում է քննություն:

***

Հուլիսի 7-ին, ժամը 20.30-ի սահմաններում, Աբովյանի Երևանյան և Կոտայքի փողոցների խաչմերուկում իրար են բախվել «ՎԱԶ-2107» և «ԲՄՎ» մակնիշի ավտոմեքենաներ:

«ՎԱԶ-2107»-ի վարորդը և 2 ուղևորները մարմնական վնասվածքներով տեղափոխվել են հիվանդանոց:

Կատարվում է քննություն:

***

Հուլիսի 7-ին, ժամը 21.00-ի սահմաններում, «ՎԱԶ-211440» մակնիշի ավտոմեքենան Սպիտակ-Գյումրի ճանապարհի 28-րդ կմ-ին շրջվել է, ինչի հետևանքով ուղևորուհին մարմնական վնասվածքներով տեղափոխվել է հիվանդանոց:

Կատարվում է քննություն:

***

Հուլիսի 7-ին, ժամը 13.40-ի սահմաններում, Երևան-Մեղրի ճանապարհի 113-րդ կմ-ին իրար են բախվել «Օպել Վեկտրա», «Ֆորդ Տրանզիտ» և «Ման» մակնիշի ավտոմեքենաներ:

«Ֆորդ Տրանզիտ»-ի ուղևորուհին մարմնական վնասվածքներով տեղափոխվել է հիվանդանոց:

Կատարվում է քննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Պատահարներ Երևանում և հանրապետության ավտոճանապարհներին

ՀԻՄՆԱԿԱՆ