Ճանապարհատրանսպորտային պատահարներ Հայաստանում

Սեպտեմբերի 9-ին, ժամը 15.00-ին, հիվանդանոց բուժօգնության դիմած 39-ամյա քաղաքացին հայտնել է, որ վնասվածքները ստացել է սեպտեմբերի 7-ին Երևանի Մոսկովյան փողոցում տեղի ունեցած ավտովթարի հետևանքով:
Կատարվում է քննություն։

***

Սեպտեմբերի 9-ին, ժամը 08.30-ին, Երևանի Մոլդովական փողոցում «Կիա» մակնիշի ավտոմեքենայի վարորդը վրաերթի է ենթարկել 14-ամյա տղայի, որը մարմնական վնասվածքներով տեղափոխվել է հիվանդանոց:
Կատարվում է քննություն։

***

Սեպտեմբերի 9-ին, ժամը 07.00-ի սահմաններում, Երևան-Սևան ճանապարհի 26-րդ կմ-ին իրար են բախվել «Ման» և «Հոնդա» մակնիշի ավտոմեքենաներ. «Հոնդայի» 34-ամյա վարորդը և վեց ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։

***

Սեպտեմբերի 8-ին, ժամը 21.00-ին, Գյումրի քաղաքի Բուլվարային թաղամասում իրար են բախվել «Աուդի», «Մերսեդես» և «Ֆոլքսվագեն Գոլֆ» մակնիշի ավտոմեքենաներ:
Սեպտեմբերի 9-ին, ժամը 13.50-ին, հիվանդանոցից հաղորդում է ստացվել, որ մարմնական վնասվածքներով բուժօգնության է դիմել «Աուդիի» 20-ամյա վարորդը:
Կատարվում է քննություն։

***

Սեպտեմբերի 9-ին, ժամը 11.55-ի սահմաններում, Կապան-Քաջարան ճանապարհի 20-րդ կմ-ին իրար են բախվել «Սկանյա» և «ԳԱԶել» ավտոմեքենաներ. «ԳԱԶելի» 60-ամյա վարորդը և չորս ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։

***

Սեպտեմբերի 9-ին, ժամը 01.15-ի սահմաններում, Տավուշի մարզի Բագրատաշեն գյուղում «Օպել Աստրա» մակնիշի ավտոմեքենան դուրս է եկել երթևեկելի գոտուց և բախվել ծառին, ինչի հետևանքով մեքենան այրվել է, իսկ 25-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։