Գլխավոր էջ
ՆՈՐՈՒԹՅՈՒՆՆԵՐ
Օպերատիվ ամփոփագրեր
ՃՏ պատահարներ
Պատահարներ Երևանում և հանրապետության ավտոճանապարհներին

Պատահարներ Երևանում և հանրապետության ավտոճանապարհներին

11.12.2014 16:33 ՃՏ պատահարներ

Դեկտեմբերի 10-ին, ժամը 01.45-ին, Երևանի Ներքին Չարբախի 1-ին փողոցում գտնվող ռեստորանային համալիրի հարևանությամբ «ԲՄՎ-325» մակնիշի ավտոմեքենան դուրս է եկել երթևեկելի մասից և կողաշրջվելով ընկել ձորը: Երկու ուղևորները տեղափոխվել են հիվանդանոց:

Կատարվում է քննություն:

***

Դեկտեմբերի 10-ին, ժամը 13.30-ին, «Լեքսուս» մակնիշի ավտոմեքենայի վարորդը Երևանի Հ. Քոչարի փողոցի թիվ 21/1 շենքի մոտ հետընթաց կատարելու ժամանակ վրաերթի է ենթարկել 83-ամյա տղամարդու, որը մարմնական վնասվածքներով տեղափոխվել է հիվանդանոց:

Կատարվում է քննություն:

***

Դեկտեմբերի 10-ին, ժամը 19.00-ին, Երևանի Անդրանիկի փողոցի թիվ 40 շենքի մոտ իրար են բախվել «Ֆոլքսվագեն» և «Օպել» մակնիշի ավտոմեքենաներ:

«Օպել»-ի ուղևորը ստացել է մարմնական վնասվածքներ. նրան բուժօգնություն է ցուցաբերել ժամանած «շտապօգնության» խումբը:

Կատարվում է քննություն:

***

Դեկտեմբերի 10-ին, ժամը 12.00-ի սահմաններում, Արարատի մարզի Ազատավան գյուղում «ԲՄՎ 520» մակնիշի ավտոմեքենան դուրս է եկել ճանապարհի երթևեկելի գոտուց, բախվել ճամփեզրի տան ցանկապատին, կոտրել ցանկապատն ու հայտնվել տան բակում:

Վարորդը մարմնական վնասվածքներով տեղափոխվել է հիվանդանոց:

Կատարվում է քննություն:

***

Դեկտեմբերի 10-ին, ժամը 13.55-ին, Թումանյան քաղաքի Թումանյան փողոցի թիվ 6 հասցեի մոտ «Ֆոլքսվագեն Գոլֆ» մակնիշի ավտոմեքենան բախվել է նշված վայրում կայանված «Մերսեդես Բենց C 180» մակնիշի ավտոմեքենային:

«Ֆոլքսվագեն Գոլֆ»-ի ուղևորը մարմնական վնասվածքներով տեղափոխվել է հիվանդանոց:

Կատարվում է քննություն:

***

Դեկտեմբերի 10-ին, ժամը 01.30-ի սահմաններում, Գառնիի ճանապարհի երթևեկելի մասից «Տոյոտա Քեմրի» մակնիշի ավտոմեքենան դուրս է եկել, բախվել Գառնի-Գեղարդ խճուղու վրա գտնվող տանը հարակից շինությանը: Վարորդը և երկու ուղևորները մարմնական վնասվածքներով տեղափոխվել են հիվանդանոց:

Կատարվում է քննություն:

***

Դեկտեմբերի 10-ին, ժամը 22.00-ի սահմաններում, Աբովյան-Նոր Հաճըն ճանապարհի 2-րդ կմ-ին «ՎԱԶ-2107» մակնիշի ավտոմեքենան դուրս է եկել երթևեկելի մասից, բախվել հարակից դաշտերի քարերին և կողաշրջվել:

Ուղևորը մարմնական վնասվածքներով տեղափոխվել է հիվանդանոց:

Կատարվում է քննություն:

***

Դեկտեմբերի 10-ին, ժամը 15.00-ի սահմաններում, «Շեվրոլետ» մակնիշի ավտոմեքենայի վարորդը Գյումրիի Գարեգին Նժդեհի և Չայկովսկու փողոցների խաչմերուկում վրաերթի է ենթարկել 57-ամյա կնոջ, որին տեղափոխելով հիվանդանոց՝ ներկայացել է ոստիկանություն:

Կատարվում է քննություն:

***

Դեկտեմբերի 10-ին, ժամը 14.00-ի սահմաններում, «Կիա Օպտիմա» մակնիշի ավտոմեքենայի վարորդը Կապանի Գարեգին Նժդեհի հրապարակում վրաերթի է ենթարկել 7-ամյա տղայի, ապա տեղափոխել նրան հիվանդանոց ու ներկայացել ոստիկանություն:

Կատարվում է քննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Պատահարներ Երևանում և հանրապետության ավտոճանապարհներին

ՀԻՄՆԱԿԱՆ