Ճանապարհատրանսպորտային պատահարներ Հայաստանում

ԼՐԱՑՎԱԾ 17․06․2022թ․

Հունիսի 15-ին, ժամը 23.05-ին, Աբովյան քաղաքի Դրոյի և Մ. Ավետիսյան փողոցների խաչմերուկում «Մերսեդես» մակնիշի ավտոմեքենայի վարորդը վրաերթի է ենթարկել 61-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 14-ին, ժամը 14.20-ին, հիվանդանոց բուժօգնության դիմած քաղաքացին հայտնել է, որ վնասվածքը ստացել է հունիսի 10-ին՝ Երևանի Մոսկովյան փողոցի և Բաղրամյան պողոտայի խաչմերուկում անհայտ վարորդի կողմից վրաերթի ենթարկվելու հետևանքով:
Կատարվում է քննություն:

***

Հունիսի 15-ին, ժամը 00.00-ին, Երևանի Հերացու փողոցում իրար են բախվել «Մերսեդես», «Ֆոլքսվագեն» մակնիշի ավտոմեքենաներ և ինքնագլդոր. 25-ամյա ինքնագլդորավարը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 15-ին, ժամը 00.40-ին, Երևանի Նալբանդյան փողոցում մոտոցիկլետը կողաշրջվել է. 30-ամյա մոտոցիկլավարը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 15-ին, ժամը 18.40-ին, Երևանի Դեմիրճյան, Պռոշյան և Պարոնյան փողոցների խաչմերուկում «Մերսեդես» մակնիշի ավտոմեքենայի վարորդը վրաերթի է ենթարկել խաչմերուկը կարգավորող 39-ամյա ոստիկանին, որը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 14-ին, ժամը 20.20-ին, Երևանի Մազմանյան փողոցում «Մերսեդես» մակնիշի ավտոմեքենայի վարորդը վրաերթի է ենթարկել երկու քաղաքացիների, որոնք մարմնական վնասվածքներով տեղափոխվել են հիվանդանոց:
Կատարվում է քննություն:

***

Հունիսի 14-ին, ժամը 08.30-ին, Երևանի Ազատության պողոտայի և Բաբայան փողոցի խաչմերուկում իրար են բախվել «ԲՄՎ» և «Մերսեդես» մակնիշի ավտոմեքենաներ. «Մերսեդեսի» 22-ամյա վարորդը, 19-ամյա ուղևորը և «ԲՄՎ»-ի 30-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***

Հունիսի 14-ին, ժամը 17.00-ին, Երևանի Անդրանիկի փողոցի շենքերից մեկի բակում «Ֆորդ» մակնիշի ավտոմեքենայի վարորդը վրաերթի է ենթարկել 76-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 15-ին, ժամը 00.30-ին, Երևանի Սեբաստիայի փողոցում մոպեդը կողաշրջվել է. 29-ամյա մոպեդավարը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 15-ին, ժամը 12.30-ին, Երևանի Աթենքի փողոցի և Հաղթանակի կամրջի մոտ «Տոյոտա» մակնիշի ավտոմեքենան բախվել է ինքնագլդորին. 50-ամյա ինքնագլորդավարը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 14-ին, ժամը 08.30-ին, Երևանի Աճառյան փողոցի և 1-ին նրբանցքի խաչմերուկում «Մերսեդես» մակնիշի ավտոմեքենայի վարորդը վրաերթի է ենթարկել 42-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 14-ին, ժամը 09.40-ին, Երևանի Քանաքեռցու փողոցում իրար են բախվել «Աուդի» և «ՎԱԶ» մակնիշի ավտոմեքենաներ. «Աուդիի» 44-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 15-ին, ժամը 11.40-ի սահմաններում, Երևան-Սևան-Քաղսի ճանապարհին իրար են բախվել «Տոյոտա» և «Մերսեդես» մակնիշի ավտոմեքենաներ. «Տոյոտայի» վարորդը և երեք ուղևորները մարմնական վնասվածքներով տեղափոխվել են հիվանդանոց:

Կատարվում է քննություն:

***

Հունիսի 15-ին, ժամը 20.15-ի սահմաններում, Կոտայքի մարզի Ակունք գյուղում 1-ամյա աղջնակը, մոր ձեռքը թողնելով, վազել և հարվածել է պապի՝ ավտոտնակից հետընթաց վարվող «Տոյոտա» մակնիշի ավտոմեքենային. աղջնակը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 15-ին, ժամը 19.00-ի սահմաններում, Արթիկ-Ալագյազ ճանապարհի 3-րդ կմ-ին «ՎԱԶ-2106» մակնիշի ավտոմեքենան դուրս է եկել երթևեկելի գոտուց և բախվել պատին. 47-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 15-ին, ժամը 18.20-ի սահմաններում, Երևան-Մեղրի ճանապարհի 116-րդ կմ-ին իրար են բախվել «Սկանիա» և «ԿամԱԶ» բեռնատար ավտոմեքենաներ. «ԿամԱԶ»-ի 57-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն: