Ճանապարհատրանսպորտային պատահարներ Հայաստանում

Սեպտեմբերի 23-ին, ժամը 13.10-ին, Երևանի Դավիթ Բեկի փողոցում իրար են բախվել «Օպել» և «Տոյոտա» մակնիշի ավտոմեքենաներ. «Տոյոտայի» 56-ամյա ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն։

***

Սեպտեմբերի 23-ին, ժամը 15.30-ին, Երևանի Գագարինի և Մեծարենցի փողոցների խաչմերուկում «Օպել» մակնիշի ավտոմեքենայի վարորդը վրաերթի է ենթարկել 56-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***

Սեպտեմբերի 23-ին, ժամը 09.40-ին, Երևանի Բագրևանդի 41-րդ և 49-րդ փողոցների խաչմերուկում իրար են բախվել «Օպել» մակնիշի ավտոմեքենան և մոտոցիկլը. 21-ամյա մոտոցիկլավարը և «Օպելի» 25-ամյա ուղևորը մարմնական վնասվածքներով տեղափոխվել են հիվանդանոց։
Կատարվում է քննություն։

***

Սեպտեմբերի 23-ին, ժամը 13.00-ին, Երևանի Ա. Տիգրանյան փողոցում «Մերսեդես» մակնիշի ավտոմեքենայի վարորդը վրաերթի է ենթարկել 15-ամյա տղայի, որը մարմնական վնասվածքներով տեղափոխվել է հիվանդանոց:
Կատարվում է քննություն։

***

Սեպտեմբերի 23-ին, ժամը 04.30-ի սահմաններում, Բագրատաշենի մաքսային կետի հարակից տարածքում «ԶԻԼ» ավտոմեքենայի վարորդը վրաերթի է ենթարկել 59-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։