Գլխավոր էջ
ՆՈՐՈՒԹՅՈՒՆՆԵՐ
Օպերատիվ ամփոփագրեր
ՃՏ պատահարներ
Պատահարներ Երևանում և հանրապետության ավտոճանապարհներին

Պատահարներ Երևանում և հանրապետության ավտոճանապարհներին

29.06.2016 16:05 ՃՏ պատահարներ

Հունիսի 28-ին, ժամը 11.30-ին, «Միցուբիշի Պաջեռո» մակնիշի ավտոմեքենան Երևանի Դավիթ-Բեկի փողոցի «Ֆլեշ» բենզալցակայանի դիմաց բախվել է «ԳԱԶ-21213» մակնիշի միկրոավտոբուսի:

Պատահարի հետևանքով միկրոավտոբուսի 2 ուղևորները մարմնական վնասվածքներով տեղափոխվել են հիվանդանոց:

Կատարվում է քննություն:

***

Հունիսի 28-ին, ժամը 22.50-ին, Երևանի Ն.Ստեփանյան փողոցի թիվ 10 շենքի դիմաց իրար են բախվել «Ֆոլքսվագեն» և «Տոյոտա» մակնիշի ավտոմեքենաներ:

«Տոյոտա»-ի ուղևորուհին մարմնական վնասվածքներով տեղափոխվել է հիվանդանոց:

Կատարվում է քննություն:

***

Հունիսի 28-ին ոստիկանության Քանաքեռ-Զեյթունի բաժնի ծառայողների բացատրական աշխատանքների շնորհիվ բաժին է ներկայացել 32-ամյա մի տղամարդ և տվել խոստովանական բացատրություն, որ հունիսի 23-ին, ժամը 21.30-ին, իր վարած «ՎԱԶ-21099» մակնիշի ավտոմեքենայով Երևանի Կիևյան փողոցի թիվ 2 շենքի մոտ` հետիոտնի անցումի վրա, վրաերթի է ենթարկել անհայտ քաղաքացու:

Ձեռնարկվում են միջոցառումներ տուժած անձին պարզելու ուղղությամբ:

Կատարվում է քննություն:

***

Հունիսի 28-ին, ժամը 18.00-ի սահմաներում, «ՎԱԶ-2107» մակնիշի ավտոմեքենան Երևան Մեղրի ճանապարհի 229-րդ կ/մ-ին շրջվել է ձորը, ինչի հետևանքով վարորդը և ուղևորը մարմնական վնասվածքներով տեղափոխվել են հիվանդանոց:

Կատարվում է քննություն:

***

Հունիսի 29-ին, ժամը 4.00-ին, հիվանդանոցից ոստիկանության Կոտայքի բաժնում հաղորդում է ստացվել, որ «ճակատի քերծված վերք» ախտորոշմամբ իրենց է դիմել 15-ամյա մի պատանի, որի հայրը հայտնել է, որ Գառնի գյուղում վթարի են ենթարկվել:

Հանգամանքները պարզվում են:

***

Հունիսի 25-ին, ժամը 11:50-ին, հիվանդանոցից ոստիկանության Ապարանի բաժնում հաղորդում էր ստացվել, որ «աջ ականջի կտրած վերք» ախտորոշմամբ բուժօգնության է դիմել 26-ամյա մի երիտասարդ և հայտնել էր, որ վնասվածքը ստացել է իրենց տան աստիճաններից պատահաբար վայր ընկնելու հետևանքով:

Նյութերի նախապատրաստման ընթացքում պարզվել է, որ երիտասարդը մարմնական վնասվածքը ստացել է հունիսի 24-ին, ժամը 22:30-ի սահմաններում, իր վարած «ՎԱԶ 2101» մակնիշի ավտոմեքենայով Ափնա գյուղի մոտակայքում, կենտրոնական ճանապարհի բանուկ մասից դուրս գալու և ձորը շրջվելու հետևանքով:

Կատարվում է քննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Պատահարներ Երևանում և հանրապետության ավտոճանապարհներին

ՀԻՄՆԱԿԱՆ