Ճանապարհատրանսպորտային պատահարները Հայաստանում

Հունիսի 28-ին, ժամը 18.15-ին, Երևանի Տիգրան Մեծի պողոտայի, Խանջյան և Ագաթանգեղոսի փողոցների խաչմերուկում իրար են բախվել «Նիսան» մակնիշի ավտոմեքենա և մոպեդ. 18-ամյա մոպեդավարը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 28-ին, ժամը 09.35-ին, Երևանի Արտաշատի խճուղում «Օպել» մակնիշի ավտոմեքենայի վարորդը վրաերթի է ենթարկել 4-ամյա տղայի, որը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 27-ին, ժամը 22.00-ին, Երևանի Արցախի պողոտայում իրար են բախվել «Օպել» և «Տոյոտա» մակնիշի ավտոմեքենաներ. «Տոյոտայի» 31-ամյա վարորդը, 25-ամյա ուղևորը, «Օպելի» 39-ամյա վարորդը և 24-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***

Հունիսի 28-ին, ժամը 09.40-ին, Երևանի Հրաչյա Քոչարի և Վրացական փողոցների խաչմերուկում իրար են բախվել «Նիսան» և «Շկոդա» մակնիշի ավտոմեքենաներ. «Շկոդայի» 67-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 28-ին, ժամը 00.20-ին, Երևանի Իսակովի պողոտայի և Մոնթե Մելքոնյան փողոցի հատման վայրում մոպեդը կողաշրջվել է. 24-ամյա մոպեդավարը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***

Հունիսի 28-ին, ժամը 18.00-ի սահմաններում, Արագածոտնի մարզի Ոսկեվազ գյուղի տներից մեկի բակում թեքության վրա կայանված «ՈՒԱԶ» մակնիշի ավտոմեքենան ինքնաշարժվելով՝ վրաերթի է ենթարկել 57-ամյա վարորդին, որը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 28-ին, ժամը 13.55-ի սահմաններում, Մարգարա-Վանաձոր-Տաշիր ճանապարհի 61-րդ կմ-ին «Ռենո» մակնիշի ավտոմեքենան բախվել է «Ման» բեռնատար ավտոմեքենայի կցորդիչին. «Ռենոյի» երկու ուղևորները մարմնական վնասվածքներով տեղափոխվել են հիվանդանոց: Ժամը 17.45-ին հիվանդանոցից հաղորդում է ստացվել, որ մարմնական վնասվածքներով բուժօգնության դիմած 28-ամյա տղամարդը հայտնել է, որ վնասվածքները ստացել է նույն վթարի հետևանքով:
Կատարվում է քննություն:

***

Հունիսի 28-ին, ժամը 10.30-ի սահմաններում, Շենիկ-Քարակերտ ճանապարհի 1-ին կմ-ին «Օպել Կորսա» մակնիշի ավտոմեքենայի վարորդը վրաերթի է ենթարկել 13-ամյա տղայի, որը մարմնական վնասվածքներով տեղափոխվել է հիվանդանոց:
Կատարվում է քննություն: