Պատճառված վնասի չափը պարզվում է

Դեկտեմբերի 26-ին, ժամը 10.00-ին, ոստիկանության Վանաձորի բաժնում հաղորդում էր ստացվել, որ Վանաձոր քաղաքի Ռուսթավելի փողոցի թիվ 12 շենքի մոտ տնակ է այրվում:
Ոստիկանության  ծառայողները պարզել են,  որ նույն օրը, ժամը 09.30-ի սահմաններում, նշված վայրում հրդեհ է բռնկվել 1982 թ. ծնված Արկադի Գ.-ին պատկանող, նրա կողմից որպես անասնագոմ օգտագործվող տնակում:
Հրդեհի առաջացման նախնական պատճառ է հանդիսանում  վառարանի շիկացած խողովակից բռնկված կրակը:
Հրդեհը մարվել է նույն օրը, ժամը 10.36-ի սահմաններում` մարտական 1 հաշվարկի ուժերով:
Նշանակվել է փորձաքննություն:
Հանգամանքները և պատճառված վնասի չափը պարզվում են:
ՀՀ ԱԻՆ Լոռու մարզի Հրդեհային և տեխնիկական անվտանգության տեսչության կողմից կատարվում է հետաքննություն: