Տավուշի պարեկների բացահայտումը

Մարտի 11-ին Տավուշի մարզի պարեկները Արծվաբերդ գյուղում նկատել են, որ մի տղամարդ, ձեռքին որսորդական հրացան և փամփշտատուփ, նստում է «ԳԱԶ-66» մակնիշի մեքենան: Պարեկները մոտեցել և նրանից պահանջել են ներկայացնել հրացանի փաստաթղթերը:  Տղամարդը որևէ փաստաթուղթ չի ներկայացնել: Մեքենան տեղափոխվել է բաժնի պահպանվող հատուկ տարածք: 35-ամյա արծվաբերդցին ձերբակալվել և տեղափոխվել է Տավուշի բաժին: Կազմված փաստաթղթերն ուղարկվել են Բերդի քննչական բաժին: