Մեքենայի հայելիները գողացած երիտասարդը ձերբակալվեց․ Երևանի պարեկների բացահայտումը

Դեկտեմբերի 26-ին, ժամը 02.10-ին, ոստիկանության օպերատիվ կառավարման կենտրոն զանգած քաղաքացին հայտնել էր, որ գողացել են մայրաքաղաքի Հովհաննիսյան փողոցում կայանված իր ազգականի «Մերսեդես» մակնիշի մեքենայի կողային հայելիները։ Նշված հասցե մեկնած ոստիկանության Չարբախի բաժանմունքի քրեական հետախույզների ձեռնարկած միջոցառումների արդյունքում պարզվել է գողությունը կատարողի ինքնությունը. Մասիս քաղաքում բնակվող 22-ամյա երիտասարդ էր։ Պարեկային ծառայության Երևանի գնդի 4-րդ գումարտակի ծառայողները նրան հայտնաբերել, ձերբակալել ու, մեքենայով հանդերձ, տեղափոխել են ոստիկանության Շենգավիթի բաժին։ Հանգամանքները պարզվում են։