Պարեկային ծառայության թեմայով հանդիպումներ Գեղարքունիքի մարզում

Ապրիլի 28-ին ոստիկանության հասարակայնության հետ կապի և լրատվության վարչության ու պարեկային ծառայության Երևանի գնդի ծառայողները հանդիպումներ ունեցան Գեղարքունիքի մարզի բնակիչների հետ։
Քաղաքներում և համայնքներում կայացած հանդիպումների ընթացքում ոստիկանության ներկայացուցիչները խոսեցին պարեկային ծառայության մասին։ Պարեկները ներկայացրին իրենց ծառայության մանրամասներն ու ոստիկանական տեխնիկան։
Քաղաքացիների հարցերը հիմնականում վերաբերում էին ընդունելության և հինգամսյա դասընթացներին։
Հիշեցնենք, որ Գեղարքունիքի մարզում ամիսներ անց կսկսի գործել պարեկային ծառայություն։ Ընդունելությունը մոտենում է ավարտին։ Պարեկային ծառայության Գեղարքունիքի մարզի ստորաբաժանումում ծառայության անցնելու համար դիմումներն ընդունվում են ոստիկանության կրթահամալիրում։ Ապրիլի 29-ը դիմումների ընդունման վերջին օրն է։