Գեղարքունիքի պարեկների առօրյայից երկու դրվագ

Փետրվարի 10-ին Գեղարքունիքի պարեկները Վարդենիս-Մարտունի ճանապարհին ստուգման նպատակով կանգնեցրել են «Նիսան» մակնիշի մեքենա: Լոռու մարզի Սարամեջ գյուղի բնակիչ 28-ամյա վարորդն ու Կոտայքի մարզի Քասախ գյուղի բնակիչ 26-ամյա ուղևորը ոստիկաններին են ներկայացրել թմրանյութի նմանվող զանգվածով կաթուցիչ և առանց թույլտվության գազային ատրճանակ:

Ըստ նրանց` արդեն պատրաստի կաթուցիչը ժամեր առաջ գտել էին Քասախ գյուղում և միասին օգտագործել, իսկ ըստ վարորդի` ատրճանակը գնել է Երևանի մի սուպերմարկետից:
Կազմված փաստաթղթերն ուղարկել են Վարդենիսի քննչական բաժին:
Փետրվարի 12-ին Գավառ քաղաքում ծառայելիս Գեղարքունիքի պարեկները կանգնեցրել են «ՎԱԶ» մակնիշի մի մեքենա, որի ապակիները մգեցված էին: Պարզվել է նաև, որ տրանսպորտային միջոցը շահագործվել է փոխարինված համարանիշերով:
Նորատուսի բնակիչ վարորդը և նրա եղբայրը, սակայն, խոչընդոտել են պարեկների օրինական գործողություններին և ենթարկվել վարչական ձերբակալման:
Անձնական զննության ժամանակ եղբոր մոտ հայտնաբերվել է դանակ:
Կազմված փաստաթղթերն ուղարկվել են նախաքննական մարմին:
Երկու դեպքով էլ հանգամանքները պարզվում են: