Պարեկների կողմից Մարաշի բաժանմունք բերման ենթարկվածի մեքենայում մարիխուանա կար

Փետրվարի 21-ին ՊԾ Երևանի գնդի ծառայողները Աբովյան փողոցից, մեքենայով հանդերձ, ոստիկանության Կենտրոնական բաժնի Մարաշի բաժանմունք կասկածանքով բերման ենթարկեցին մայրաքաղաքի Բագրևանդի փողոցի 24-ամյա մի բնակչի:
Մեքենայի զննությամբ հայտնաբերվեց յուրահատուկ հոտով մարիխուանայի նմանվող զանգված:
24-ամյա երիտասարդը հայտնել է, որ բուսական զանգվածը մարիխուանա է, պահում էր իր օգտագործման համար:
Նշանակվել է փորձաքննություն:
Հանգամանքները պարզվում են: