Պարզաբանում. համացանցում շրջանառվող տեղեկատվությունը չի համապատասխանում իրականությանը

Համացանցում հրապարակված՝ 7/08 ընտրական տեղամասում քաղաքացու վիճաբանության վերաբերյալ հաղորդման և տեսանյութի համաձայն՝ Երևանի Մալաթիա թաղամասի 7/08 տեղամասում Անահիտ Գեղամյան անունով մի կին գժգոհել է, որ իր տանը ընդամենը 3 հոգի են գրանցված, բայց ընտրացուցակում առկա են 7 հոգու տվյալներ: Ա. Գեղամյանը պնդել է նաև, որ Օգանովի 14/20 հասցեում գտնվող տունն իր սեփականությունն է: 

Հայտնում ենք, որ տարածված տեղեկատվությունը իրականությանը չի համապատասխանում:

Բնակչության պետական ռեգիստրի տվյալների համաձայն՝ Երևան քաղաքի Օգանովի փողոցի 14 շենքի բն. 20 հասցեի սեփականատեր է հանդիսանում Գայանե Լյովայի Գեղամյանը, այլ ոչ թե` հայտարարության հեղինակ` Անահիտ Գեղամյանը:

Բացի Անահիտ Գեղամյանից, նրա ամուսնուց` Վարդգես Աշոտի Սմբատյանից, և հարևանուհուց` Սիլվարդ Գրիգորի Գևորգյանից /ինչպես տեսանյութում հայտարարել է քաղաքացին/ նշված հասցեում հաշվառված են նաև ևս 3 չափահաս քաղաքացիներ`

1. Նաթելա Վախթանգի Նաթելաշվիլին – 22.11.2012 թ.-ից,

2. Մաքսիմե Սեյրանի Մարտիրոսյանը – հաշվառված է 04.02.2013 թ.-ից,

3. Վիկտորիա Նիկոլայի Պոչոյանը – հաշվառված է 31.01.2013 թ.-ից:

Նշված բոլոր 4 անձինք Երևանի Օգանովի 14 շենքի բն. 20 հասցեում հաշվառվել են ՀՀ կառավարության 2005 թ. հուլիս 14-ի թիվ 1231-Ն որոշմամբ սահմանված կարգով` բնակարանի սեփականատեր` Գայանե Լյովայի Գեղամյանի գրավոր համաձայնության հիման վրա:

Բացի այդ` ընտրացուցակում առկա են ոչ թե 7, ինչպես նշել է Անահիտ Գեղամյանը, այլ` 6 ընտրողի անհատական տվյալներ:

ՀՀ ոստիկանությունը հրապարակում է հաշվառված անձանց դիմումների, սեփականության վկայականի և սեփականատիրոջ գրավոր համաձայնությունների պատճենները: